საქართველოს სახელმწიფო საზღვარზე გადაადგილებული პირების სტატისტიკური მონაცემების მიხედვით, 2021 წლის ივნის-ივლისში საქართველოში შემოსული უცხოელებიდან ყველაზე მეტი – 75 064 რუსეთის მოქალაქე იყო.
შს სამინისტროს იმავე მონაცემების მიხედვით, მეორე ადგილზეა თურქეთი, შემდეგ უკრაინა, სომხეთი, ევროკავშირის ქვეყნები, ხოლო მეექვსე ადგილზეა ისრაელი.
2021 წლის ივნისსა და ივლისში საქართველოში შემოვიდა:
- 75 064 რუსეთის მოქალაქე
- 70 883 თურქეთის მოქალაქე
- 52 933 უკრაინის მოქალაქე
- 45 486 სომხეთის მოქალაქე
- 42 174 ევროკავშირის ქვეყნების მოქალაქეები
- 36 538 ისრაელის მოქალაქე
ამ და სხვა ქვეყნებიდან 2021 წლის პირველი ივნისიდან პირველ აგვისტომდე პერიოდში საქართველოში ჯამში 481 465 უცხო ქვეყნის მოქალაქე შემოვიდა [აქედან ივნისში – 189 618, ხოლო ივლისში – 291 847].
საქართველომ უცხო ქვეყნის მოქალაქეებისთვის სახმელეთო საზღვრები 2021 წლის 1-ლი ივნისიდან გახსნა.
ზომოთ აღნიშნული ქვეყნების მოქალაქეებს კი, საქართველოში შემოსვლა ვაქცინის გარეშეც შეუძლიათ, თუმცა:
- სასაზღვრო გამშვებ პუნქტზე უნდა წარადგინონ საზღვრის კვეთამდე უკანასკნელ 72 საათის განმავლობაში ჩატარებული PCR კვლევის დამადასტურებელი დოკუმენტი;
- საზღვრის კვეთიდან მე-3 დღეს უნდა ჩაიტარონ PCR კვლევა, საკუთარი ხარჯებით;
- საქართველოს სახელმწიფო საზღვრის გადმოკვეთამდე სავალდებულოა სპეციალური ელექტრონული ანკეტის შევსება, სადაც უნდა მიეთითოს ბოლო 14 დღის მოგზაურობის ისტორია, საქართველოში ვიზიტის დროს განსაზღვრული ადგილსამყოფელი, საკონტაქტო ინფორმაცია და ა.შ;
- პირები, რომლებსაც უფიქსირდებათ უკანასკნელი 14 დღის განმავლობაში ინდოეთის რესპუბლიკაში მოგზაურობის ისტორია, 14 დღით დაექვემდებარებიან საკარანტინე სივრცეში გადასვლას [საკუთარი ხარჯებით]. ამ შემთხვევაში, მე-3 დღეს PCR კვლევის ჩატარება აღარ არის სავალდებულო.
ამავე თემაზე:
PCR ტესტი ან იზოლაცია – საქართველოს აცრილი მოქალაქეების ქვეყანაში დაბრუნების წესი