ნეტგაზეთი • RU

საველე ჰოსპიტალში კოვიდპაციენტების მიღება დაიწყო

საქართველოში კორონავირუსის მართვაში ჩაერთო საველე ჰოსპიტალი დიღომში – ინფორმაცია ამის შესახებ თამარ გაბუნიამ დაადასტურა, საქართველოს ჯანდაცვის მინისტრის მოადგილემ.

„გუშინ საღამოს დადგა იმის აუცილებლობა, რომ დაგვეწყო საველე ჰოსპიტლის ოპერირება. 9 პაციენტი განთავსდა საველე ჰოსპიტალში, მათი მდგომარეობა არის საშუალო სიმძიმის.

ჰოსპიტალი დღეიდან უკვე სრული დატვირთვით შეუდგება ფუნქციონირებას დიღომში“ – განაცხადა თამარ გაბუნიამ.

მისი განმარტებით, საველე ჰოსპიტალი ძირითადად გამოყენებული იქნება დროებითი დაყოვნებისთვის.

„ჩვენთვის მთავარია მოხდეს პაციენტის სტაბილიზაცია და შემდეგ მისი გადამისამართება. ვფიქრობთ, 2-3 დღეზე მეტი არ უნდა მოგვიხდეს პაციენტის დაყოვნება, შემდეგ მოხდება მისი გადაყვანა სასტუმროში ან სხვა ჰოსპიტალში,“ – განაცხადა მინისტრის მოადგილემ.

თამარ გაბუნიას თქმით, ამჟამად ჰოსპიტალური სექტორი მუშაობს მაქსიმალური დატვირთვით, კოვიდკლინიკებში ადგილები თავისუფლდება ძირითადად ბრუნვის ხარჯზე.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com