მთავარი,სიახლეები

ხულოში კოვიდით 37 წლის კაცი გარდაიცვალა

20.08.2021 • 12555
ხულოში კოვიდით 37 წლის კაცი გარდაიცვალა

ხულოს მუნიციპალიტეტის სოფელ კორტოხში კოვიდით 37 წლის კაცი, ზვიად პაქსაძე გარდაიცვალა. ის ამავე სოფლის რწმუნებული იყო.

დიოკნისის ადმინისტრაციულ ერთეულში მერის წარმომადგენლის გურამ კახაძის თქმით, მის კოლეგას კორონავირუსი დაახლოებით ხუთი დღის წინ დაუდასტურდა. „დაბაში ასაცრელად გამოვიდა. სიცხე მქონდა და ტესტმა კორონავირუსი აჩვენაო – ასე მითხრა, როცა დავურეკე“, – ამბობს გურამ კახაძე. მისივე ინფორმაციით, ზვიად პაქსაძე ოთხი დღის წინ გადაიყვანეს ბათუმის ერთ-ერთ კლინიკაში.

ის წუხელ, გვიან ღამით გარდაიცვალა.

გურამ კახაძის თქმით, ზუსტად არ იცის სოფელ კორტოხში არიან თუ არა ადამიანები თვითიზოლაციაში. ამ სოფელში სხვა ინფიცირებულების შესახებ მას ინფორმაცია არ აქვს. ასევე აქვს ინფორმაცია, რომ გარდაცვლილის ოჯახის წევრებს – მეუღლეს და შვილებს ტესტით ვირუსი არ დაუდასტურდათ.

გასული დღე-ღამის განმავლობაში მხოლოდ აჭარაში კორონავირუსით 12 ადამიანი გარდაიცვალა,  ქვეყნის მასშტაბით – 59.

გადაბეჭდვის წესი


ასევე: