Batumelebi | წარსულშიც გვაბრუნებენ და ეს არ უნდა დავუშვათ – გახარია წარსულშიც გვაბრუნებენ და ეს არ უნდა დავუშვათ – გახარია – Batumelebi
ნეტგაზეთი • RU

წარსულშიც გვაბრუნებენ და ეს არ უნდა დავუშვათ – გახარია

საქართველოს ყოფილი პრემიერ-მინისტრი, გიორგი გახარია აცხადებს, რომ „ზოგიერთი“ წარსულში აბრუნებს ქვეყანას.

„ოცნებაში ბევრი ჩემი მეგობარია დარჩენილი, ღირსეული ადამიანები – ბევრი კარგი საქმე გავაკეთეთ, ბევრიც – ვერ მოვასწარი, მაგრამ ერთ ადგილზე დგომა იყო ბოლო რამოდენიმე წლის განმავლობაში ყველაზე დიდი გამოწვევა – ეს ჩვენთვის გაუგებარი იყო.

ახლა უკვე ისე მიდის სიტუაცია და ზოგიერთი ისე იქცევა, რომ სამწუხაროდ, ჩემდა გულგასატეხად – უკვე წარსულშიც გვაბრუნებენ და ეს არ უნდა დავუშვათ!

ოღონდ, კიდევ ერთხელ ვიმეორებ, მშვიდად, ჩვენს თანამოქალაქეებთან ერთად – არჩევნების გზით – ყველაფერი ისე უნდა გავაკეთოთ ნაბიჯ-ნაბიჯ, როგორც ჩვენ შეგვეფერება“ – განაცხადა გიორგი გახარიამ 18 აგვისტოს ლანჩხუთში, პარტიის ოფისის გახსნისას. მის კომენტარს პრესსამსახური ავრცელებს.

გახარიამ ასევე აღნიშნა, რომ „ქვეყანაში იკარგება სამართლიანობის შეგრძნება“.

„…მთავარია, რომ ჩვენ არ გვინდა ქვეყნის უკუსვლა. და სამწუხაროდ ასეთი ტენდენციები შეიმჩნევა. ჩვენ უნდა წავიდეთ წინ“ – განაცხადა გახარიამ.

გიორგი გახარია საქართველოს პრემიერ-მინისტრის პოსტს 2019 წლის 8 სექტემბრიდან იკავებდა, მანამდე კი იგი „ოცნების“ ხელისუფლებაში ჯერ ეკონომიკის მინისტრის, შემდეგ კი შს მინისტრის პოსტს იკავებდა.

გახარიამ მთავრობის მეთაურის პოსტი 2021 წლის თებერვალში დატოვა „ქართული ოცნების“ და მთავრობის სხვა ლიდერებთან შეუთანხმებლობის ფონზე „ნაციონალური მოძრაობის“ ლიდერ ნიკა მელიას დაკავების საკითხთან დაკავშირებით.

პრემიერის პოსტის დატოვებიდან მალე, 29 მაისს, გახარიამ ახალი პოლიტიკური გაერთიანება „საქართველოსთვის“ წარადგინა.

__________

ფოტო: გიორგი გახარია/FB

ამავე თემაზე: 

ვინ აფინანსებს გახარიას პარტიას

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com