Batumelebi | გერმანიამ შესაძლოა ავღანეთიდან 10 000 ადამიანი გამოიყვანოს გერმანიამ შესაძლოა ავღანეთიდან 10 000 ადამიანი გამოიყვანოს – Batumelebi
ნეტგაზეთი • RU

გერმანიამ შესაძლოა ავღანეთიდან 10 000 ადამიანი გამოიყვანოს

გერმანიის კანცლერმა, ანგელა მერკელმა პარტიას აცნობა იმის შესახებ, რომ გერმანიამ შესაძლოა ავღანეთიდან 10 000 ადამიანი გამოიყვანოს – ინფორმაციას ამის შესახებ „როიტერსი“ ავრცელებს პარტიის წყაროებზე დაყრდნობით.

სააგენტოს ცნობით, 10 000 ადამიანში შედის 2 500 ავღანელი, რომლებიც დამხმარე პერსონალის პოზიციებზე მუშაობდნენ, უფლებადამცველები, ადვოკატები და ის პირები, რომელთაც საფრთხე შეიძლება ემუქრებოდეთ.

მერკელმა ასევე განაცხადა, რომ გერმანიამ უნდა ითანამშრომლოს ავღანეთის მოსაზღვრე ქვეყნებთან, რათა მხარი დაუჭირონ ქვეყნიდან გაქცეულებს.

_________________

15 აგვისტოს თალიბებმა ქაბულზე კონტროლი მოიპოვეს.

ქაბულზე კონტროლის მოპოვების შემდეგ თალიბანმა 20-წლიანი ომი დასრულებულად გამოაცხადა.

ამ დროისთვის ქაბულის აეროპორტი არის ერთადერთი ადგილი ქვეყანაში, რომელსაც თალიბანი ვერ აკონტროლებს.

აეროპორტის ტერიტორიაზე გარდა თურქული და აზერბაიჯანული რაზმებისა, ასევე იმყოფებიან ამერიკის შეერთებული შტატებისა და გაერთიანებული სამეფოს სამხედრო მოსამსახურეები, რომლებიც ქვეყანაში საელჩოების თანამშრომლების ევაკუაციის მიიზნით მიავლინეს.

გარდა უცხოელი მოქალაქეებისა, ქაბულის აეროპორტის გავლით ქვეყნის დატოვებას ცდილობს ადგილობრივი მოსახლეობაც.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com