უსკოს წევრი ირაკლი გვარამია კოვიდით გარდაიცვალა

აჭარის უმაღლესი საარჩევნო კომისიის (უსკოს) წევრი ირაკლი გვარამია კორონავირუსით დღეს გარდაიცვალა.

მას კოვიდი 17 ივლისს დაუდასტურდა. თავდაპირველად ვირუსზე კოვიდსასტუმროში მკურნალობდა, მოგვიანებით კი ერთ-ერთ კოვიდკლინიკაში.

კლინიკაში გადაყვანიდან ერთ კვირაში მისი მდგომარეობა დამძიმდა. ირაკლი გვარამია დღეს, 16 აგვისტოს გარდაიცვალა.

ის 43 წლის იყო.

უსკოს წევრად ირაკლი გვარამია მიმდინარე წლის ივლისში აირჩიეს.

დღეს აჭარაში კორონავირუსით 3 ადამიანი გარდაიცვალა.