Batumelebi | ქობულეთში საფლავები გაქურდეს ქობულეთში საფლავები გაქურდეს – Batumelebi
RU | GE  

ქობულეთში საფლავები გაქურდეს

ქობულეთში საფლავები გაქურდეს. წაღებულია საფლავის რკინის მოაჯირები.

ქობულეთის მერიაში აცხადებენ, რომ მსგავსი ფაქტები ადრეც ყოფილა და მერია ორ ვარიანტს განიხილავს ამ საკითხის მოსაგვარებლად.

„ერთი ვარიანტი არის, რომ მუნიციპალიტეტმა შექმნას სტრუქტურული ერთეული, დაქვემდებარებული დაწესებულება, რომელიც თავიდან ბოლომდე აიღებს მართვაში ამ საკითხს და საორგანიზაციო საკითხებს მთლიანად მოაგვარებს. ეს იქნება იურიდიული პირი ა(ა)იპ-ი ან შპს და ამაზე ჩამოვყალიბდებით. თუმცა ეს მოითხოვს საკმაოდ დიდ ფინანსურ ხარჯებს.

თქვენ იცით გასული წელი როგორი მძიმე წელი იყო და მიმდინარე წელიც პანდემიისგან გამომდინარე საკმაოდ გამოწვევებით არის სავსე, შესაბამისად ეს გადაწყვეტილება ვერ მივიღეთ, თუმცა აქტიურად დგას ეს საკითხი დღის წესრიგში.

მეორე ვარიანტია ეს საკითხი სარგებლობით გადაეცეს კერძო პირებს, კანონმდებლობის სრული დაცვით, კონკურენტულ გარემოში.

თუ ეს გადაწყვეტილება მივიღეთ, გამოცხადდება აუქციონი და მოხდება სარგებლობით გადაცემა ამ ტერიტორიის,“ – წერილობით გაავრცელა კომენტარი ქობულეთის მერიამ.

შს სამინისტროს პრესსამსახურში გვითხრეს, რომ ინფორმაციას, დაწყებულია თუ არა გამოძიება, მოკლე ხანში მოგვაწვდიან.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com