Batumelebi | ბათუმში 300 კილომდე ხორცი და თევზი დალუქეს – დარღვევა 42 ობიექტში გამოვლინდა ბათუმში 300 კილომდე ხორცი და თევზი დალუქეს – დარღვევა 42 ობიექტში გამოვლინდა – Batumelebi
RU | GE  

ბათუმში 300 კილომდე ხორცი და თევზი დალუქეს – დარღვევა 42 ობიექტში გამოვლინდა

სურსათის ეროვნული სააგენტოს ცნობით, აჭარაში სააგენტოს ინსპექტირების ჯგუფებმა ივლისის თვეში სახელმწიფო კონტროლი ჩაატარეს 95 ობიექტში, მათ შორისაა 16 საშაურმე, 26 საცხობი, 19 საკონდიტრო და 34 ხორცისა და თევზის სარეალიზაციო ობიექტი.

სააგენტოს ცნობით, შემოწმებისას სხვადასხვა სახის დარღვევა გამოვლინდა 42 ობიექტში, კერძოდ, 11 – ხორცისა და თევზის რეალიზაციისას (დაილუქა 217კგ-მდე ხორცი, 1.5 კგ. კუპატი, 53 კგ. თევზი), 8 საშაურმეში, 13 საცხობსა და 10 საკონდიტროში.

დაჯარიმებულებს შორის არის ფიროსმანის ქუჩაზე მდებარე „იალჩინმარკეტი“, სადაც დაილუქა 53 კგ თევზი; „ქართული სახლი” ფიროსმანის ქუჩაზე, სადაც დაილუქა 102 კგ ხორცი; შპს შპს “ანტრიკოტი” გრიბოედოვის ქუჩაზე, სადაც დაილუქა 50 კგ ახალი ხორცი; ხორცის რეალიზატორი ი.მ. ტბელ-აბუსერიძის ქუჩაზე, სადაც 150 კგ ვადაგასული ხორცი დაილუქა.

სხვადასხვა თანხით დაჯარიმდნენ ბიზნესოპერატორები.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com