Batumelebi | „ოცნების“ მერობის კანდიდატები ხულოში, შუახევსა და ქედაში „ოცნების“ მერობის კანდიდატები ხულოში, შუახევსა და ქედაში – Batumelebi
RU | GE  

„ოცნების“ მერობის კანდიდატები ხულოში, შუახევსა და ქედაში

„ქართული ოცნების“ მერობის კანდიდატი ხულოში ვახტანგ ბერიძე იქნება, შუახევში – ომარ ტაკიძე, ქედაში – როლანდ ბერიძე. მერობის კანდიდატები დღეს, 30 ივლისს „ქართული ოცნების“ თავმჯდომარე ირაკლი კობახიძემ დაასახელა.

ვახტანგ ბერიძე ხულოს მოქმედი მერია, ომარ ტაკიძე შუახევის მერის მოვალეობას ასრულებს მას შემდეგ, როცა არჩეული მერი ფრიდონ ფუტკარაძე უმაღლესი საბჭოს წევრი გახდა, როლანდ ბერიძე კი, ქედის მერის პირველ მოადგილედ მუშაობდა.

აჭარის მუნიციპალიტეტებში „ქართული ოცნების“ მერობის ყველა კანდიდატი კაცია. ქვეყნის მასშტაბით კი, 63 მუნიციპალიტეტში მხოლოდ 2 ქალი [დუშეთი, რუსთავი] კანდიდატი დაასახელა მმართველმა პარტიამ.

ადგილობრივი თვითმმართველობის არჩევნები 2 ოქტომბერს გაიმართება.

ნეტგაზეთის მასალების სხვა გამოცემებში გადაბეჭდვის წესი
ავტორი