Batumelebi | პრიორიტეტული ჯგუფებიდან ყველაზე ცოტა მასწავლებელი აიცრა პრიორიტეტული ჯგუფებიდან ყველაზე ცოტა მასწავლებელი აიცრა – Batumelebi
RU | GE  

პრიორიტეტული ჯგუფებიდან ყველაზე ცოტა მასწავლებელი აიცრა

დაავადებათა კონტროლისა და საზოგადოებრივი ჯანდაცვის ცენტრის მონაცემებით, პრიორიტეტული ჯგუფებიდან, რომლებიც მოიცავს ექიმებს, ექთნებს, სხვა მედპერსონალს, სკოლის პერსონალს, შს სამინისტროს პერსონალს, თავდაცვის სამინისტროსა და პენიტენციურ სისტემას, ყველაზე ცოტა ადამიანი Covid 19-ის ვაქცინით სკოლის პერსონალიდან აიცრა, ასეთი სულ 572 ადამიანია.

NCDC-ს 18 ივლისის მონაცემებით, მასწავლებლებს შორის სრულად ვაქცინირებულია 192.

მასწავლებლები ხშირად მონაწილეობენ ანტივაქსერულ კამპანიაში, რომელიც სოციალურ ქსელებში მიმდინარეობს.

15 მარტიდან 8 ივლისის ჩათვლით საქართველოში სულ 289 399 აცრა ჩატარდა, მათგან სრულად აცრილია 113 895 ადამიანი.

ოფიციალური მონაცემების თანახმად, აცრას ყველაზე აქტიურად ახალგაზრდები იკეთებენ – აცრილების თითქმის ნახევარი მოდის 18-49 წლის ასაკის ადამიანებზე.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან