Batumelebi | კონკურსი 200 ათასი ლარით – ბლექსის ადგილას ახალი სკოლის პროექტის შესაძენად კონკურსი 200 ათასი ლარით – ბლექსის ადგილას ახალი სკოლის პროექტის შესაძენად – Batumelebi
RU | GE  

კონკურსი 200 ათასი ლარით – ბლექსის ადგილას ახალი სკოლის პროექტის შესაძენად

ბათუმში, კოლეჯ „ბლექსის“ ყოფილი შენობის ადგილას, 600 მოსწავლეზე გათვლილი სკოლის ახალი, სამსართულიანი შენობა აშენდება.

დ. თავდადებულის N61-ში ახალი საჯარო სკოლის მშენებლობის საპროექტო-სახარჯთაღრიცხვო დოკუმენტაციის მომზადებაზე აჭარის განათლების სამინისტრომ კონკურსი უკვე გამოაცხადა. საკონკურსო თანხა 200 ათასი ლარია.

კონკურსში წინადადებების მიღება 2021 წლის 29 ივლისს დაიწყება და 3 აგვისტოს დასრულდება.

„მიმწოდებლის მიერ მომსახურების გაწევა უნდა მოხდეს ხელშეკრულების დადებიდან არაუგვიანეს 4 კალენდარული თვის ვადაში (ტექნიკური დავალებით გათვალისწინებული საექსპერტო დასკვნების წარმოდგენის ჩათვლით). [შემდგომში] საავტორო ზედამხედველობის გაწევის ვადა განისაზღვრება სამშენებლო სამუშაოების წარმოების ვადით. საავტორო ზედამხედველობას მიმწოდებელი განახორციელებს უსასყიდლოდ,“ – აღნიშნულია საკონკურსო პირობაში.


„ბლექსის“ სარგებლობაში არსებული მიწის ნაკვეთი [2775 კვ.მ.] და მასზე განთავსებული ისტორიული შენობა სამინისტრომ მერიას მოსთხოვა.

აჭარის მთავრობის ინფორმაციით, კოლეჯი „ბლექსი“  თავდადებულის ქუჩაზე არსებული შენობით მაინც არ სარგებლობს, რადგან შენობა ამორტიზებულია და ეს ექსპერტიზის დასკვნითაც დასტურდება.

„ბლექსისთვის“ ახალი შენობა განათლებისა და მეცნიერების ქალაქის ტერიტორიაზე შენდება.

ბათუმში ახალი სკოლის ასაშენებლად ბლექსის შენობას დაანგრევენ

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com