ჯანდაცვის მინისტრმა ეკატერინე ტიკარაძემ სატელევიზიო ეთერში საუბრისას მედპერსონალის სავალდებულო ვაქცინაციაზე შეკითხვას უპასუხა და თქვა, რომ გუნდში ეს საკითხი არ განიხილება. მისი თქმით, ვაქცინაციაზე აქტივობა მზარდია, აცრის შესახებ გადაწყვეტილება კი გააზრების დონეზე უნდა მოხდეს. თუმცა ასევე აღნიშნა, რომ სამინისტრომ გადაწყვეტილება შეიძლება შეცვალოს:
“მედპერსონალის სავალდებულო ვაქცინაციაზე ჯერ გუნდში არ ვსაუბრობთ, ვინაიდან ბოლო პერიოდში ჩვენ ვამჩნევთ საკმაოდ მაღალ აქტივობას როგორც სამედიცინო პერსონალიდან, ასევე სხვადასხვა ჯგუფის მოქალაქეებისგან. ჩვენ ჯერ კიდევ დაველოდებით მათ ნებაყოფლობით გადაწყვეტილებას, ვინაიდან ვთვლით, რომ ეს არის ადამიანის ინდივიდუალური გადაწყვეტილება, გააზრების დონეზე და არ გვაქვს სურვილი, რომ აქ გარკვეული სავალდებულოობა ჩავრთოთ.
თუმცა ეპიდემიის განვითარებიდან გამომდინარე და ასევე იმ დაკვირვებით, თუ როგორი იქნება აქტივობა, შეიძლება გადაწყვეტილება შეიცვალოს, მაგრამ ამ ეტაპისთვის ალბათ არ დაიგეგმება სავალდებულობის შემოღება”.
ჯანდაცვის მინისტრის მოადგილის, თამარ გაბუნიას განცხადებით სამედიცინო პერსონალისთვის, დაგეგმილი სამედიცინო მაჩვენებელი იყო დაახლოებით 45 000 პირი, აქედან დღეს მხოლოდ 12 000-მდე პირია აცრილი. მისივე თქმით, ამ ჯგუფში ყევლაზე მეტი, ექიმები არიან.
https://netgazeti.ge/news/550574/?fbclid=IwAR0IeT-05xVHDNZkOcumSSjjVVfldUKiyGlzJybuapLNbc4jhGM-y6T92as
