Batumelebi | გაბუნია „ფაიზერის“ დაჯავშნაზე: არ იყო საჭირო ნერვიულობა და აჟიოტაჟი გაბუნია „ფაიზერის“ დაჯავშნაზე: არ იყო საჭირო ნერვიულობა და აჟიოტაჟი – Batumelebi
RU | GE  

გაბუნია „ფაიზერის“ დაჯავშნაზე: არ იყო საჭირო ნერვიულობა და აჟიოტაჟი

ჯანდაცვის მინისტრის მოადგილემ თამარ გაბუნიამ სატელევიზიო ეთერში „ფაიზერის“ ვაქცინისთვის რეგისტრაციის ხარვეზებზე ისაუბრა და თქვა, რომ “ის საწყისი დოზები, რაც გაიხსნა, არის მხოლოდ დასაწყისი, ნამდვილად არ იყო საჭირო ამდენი ნერვიულობა და აჟიოტაჟი” და რომ მომდევნო კვირაში საქართველოში ფაიზერის ვაქცინის მომდევნო დოზები ჩამოვა:

„გუშინ დაიწყო მოწოდება ფაიზერის მილიონზე მეტი დოზის, რომელიც ჩვენ უნდა მივიღოთ ძალიან მოკლე ხანში.

გუშინ იყო პირველი მოწოდება და გუშინ დაიწყო რეგისტრაცია. ეს არ ნიშნავს, რომ გუშინ რეგისტრაცია დასრულდა და მეტს ვეღარ დავრეგისტრირდებით.

ეს არის საწყისი ეტაპი და გაგრძელდება ეს ამბავი ძალიან სწრაფი ტემპით, ანუ მომდევნო კვირიდან, მე ვფიქრობ ჩვენ გვექნება იმდენი დოზა უკვე ქვეყანაში, რომ აღარ იქნება საჭირო მსგავსი [აჟიოტაჟი] …

ჩვენ სულ რამდენიმე დღე გვჭირდება იმისთვის, რომ დოზების რაოდენობა იქამდე გაიზარდოს, რომ ყველა, ვინც ამას ელოდებოდა, აიცრას. აუცილებლად მოახერხებს დარეგისტრირებას ვისაც ეს სჭირდება.

გარდა ამისა, მუშაობა მიდის ამერიკის მთავრობასთან დონაციასთან დაკავშირებით, აქ ჯერჯერობით დაზუსტებული არ გვაქვს ინფორმაცია, აქაც საუბარია ამერიკული წარმოების ვაქცინებზე, რომელიც ქვეყანაში ძალიან სწრაფად უნდა შემოვიდეს. ესეც იქნება დამატებითი შესაძლებლობა”.

თამარ გაბუნიამ განმარტა, რომ მილიონი დოზა ნახევარი მილიონი ადამიანისთვის განკუთვნილ ორ დოზას მოიცავს.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან