Batumelebi | ხელვაჩაურში ოჯახს ასახლებენ, კაცმა თავის დაწვა სცადა ხელვაჩაურში ოჯახს ასახლებენ, კაცმა თავის დაწვა სცადა – Batumelebi
RU | GE  

ხელვაჩაურში ოჯახს ასახლებენ, კაცმა თავის დაწვა სცადა

ხელვაჩაურში ჯაყელების ოჯახს აღსრულების ეროვნული ბიუროს წარმომადგენლები სახლიდან ასახლებენ.

სახლი ოჯახს სასამართლო გადაწყვეტილებით, ექსპროპრიაციის გზით ჩამოართვეს. როგორც „ბათუმელებს“ უთხრეს, ეს სახლი ხელს უშლის ბათუმის შემოვლითი გზის მშენებლობას.

დღეს, 15 ივლისს, ჯაყელების ოჯახის ერთ-ერთმა წევრმა პროტესტის ნიშნად ბენზინი გადაისხა და თავის დაწვა სცადა. ის კლინიკაშია გადაყვანილი.

აღსრულების ეროვნული ბიუროს პრესცენტრის ინფორმაციით, სახლი საჯარო რეესტრში ოჯახს რეგისტრირებული არ აქვს, როგორც საკუთრება. ამის მიუხედავად, გზების დეპარტამენტმა ამ ოჯახს მაინც გადაუხადა კომპენსაცია, დაახლოებით 200 ათასი ლარი.

თავად ოჯახის წევრები დღეს ჟურნალისტებს არ ესაუბრებიან. ისინი აცხადებენ, რომ მათი ოჯახი ათწლეულებია ამ სახლში ცხოვრობს.

დღეს გამოსახლების დაწყებამდე ოჯახს გამოფენილი ჰქონდა ბანერი – „რუსეთი ჩვენი ქვეყნის ოკუპანტია, „ქართული ოცნება“ – ჩვენი ოჯახის“.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან