Batumelebi | მუსლიმები ბათუმში მეჩეთისთვის ტერიტორიის გამოყოფას ოფიციალურად მოითხოვენ მუსლიმები ბათუმში მეჩეთისთვის ტერიტორიის გამოყოფას ოფიციალურად მოითხოვენ – Batumelebi
RU | GE  

მუსლიმები ბათუმში მეჩეთისთვის ტერიტორიის გამოყოფას ოფიციალურად მოითხოვენ

„მუსლიმთა კავშირის“ თავმჯდომარემ ტარიელ ნაკაიძემ დღეს რვა თებერვალს, ახალი მეჩეთის მშენებლობისთვის ტერიტორიის გამოყოფის მოთხოვნით საქართველოს და აჭარის მთავრობას, ქალაქის მერიას და უმაღლეს საბჭოს ოფიციალურად მიმართა.  ტარიელ ნაკაიძემ განცხადება სახელმწიფო სტრუქტურებში, ორგანიზაცია „ბათუმში ახალი მეჩეთის მშენებლობის საინიციატივო ჯგუფის“ სახელით შეიტანა.

როგორც „მუსლიმთა კავშირის“ თავმჯდომარე „ბათუმელებთან“ საუბარში ამბობს, პეტიციას მეჩეთის მშენებლობის შესახებ, დასავლეთ საქართველოს მუფთმა და სხვა მუსლიმმა  სასულიერო პირებმა მოაწერეს ხელი:

„ვითხოვთ ტერიტორიის გამოყოფას ახალი მეჩეთის მშენებლობისთვის  და შემდეგ მშენებლობის ნებართვას. ადგილი ქალაქის ტერიტორიაზე გვინდა რომ გამოიყოს. გვაქვს სავარაუდო ადგილებიც მინიშნებული,  ლერმონტოვის ქუჩის ბოლოში, აღმაშენებელის დასახლება და ან  ყინულის სახლის მიმდებარე ტერიტორიაზე“-გვეუბნება ტარიელ ნაკაიძე.

ორგანიზაცია „ბათუმში ახალი მეჩეთის მშენებლობის საინიციატივო ჯგუფი“ მეჩეთის აშენების თაობაზე ხელმოწერებს აგროვებდა. მათი ინფორმაციით, ამ დროისთვის 12 ათასი ხელმოწერა შეგროვდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com