Batumelebi | ბათუმის სტადიონისთვის სახელის დარქმევის უფლება 8.7 მილიონად გაიყიდა ბათუმის სტადიონისთვის სახელის დარქმევის უფლება 8.7 მილიონად გაიყიდა – Batumelebi
RU | GE  

ბათუმის სტადიონისთვის სახელის დარქმევის უფლება 8.7 მილიონად გაიყიდა

ბათუმის საფეხბურთო სტადიონისთვის სახელის დარქმევისთვის დღევანდელ აუქციონში გამარჯვებული ყოველწლიურად აჭარის ბიუჯეტში 1 750 000 ლარს გადაიხდის, თუ მასთან აუქციონის პირობების შესაბამისად ხელშეკრულება გაფორმდება. ახალი სახელი სტადიონს 5 წლის განმავლობაში ერქმევა. შესაბამისად, ამ პერიოდში, აუქციონში გამარჯვებული, ჯამში 8 750 000 ლარს გადაიხდის.

ვინ არის აუქციონში გამარჯვებული? – „ბათუმელები“ პასუხს „აჭარის პროექტების მართვის კომპანიისგან“ ელოდება.

ბათუმის საფეხბურთო სტადიონის სახელის დარქმევის, რეკლამისა და სხვა სახის უფლებებით 5 წლით სარგებლობაზე აუქციონი „აჭარის პროექტების მართვის კომპანიამ“ საწყისი თანხით [წლიური საიჯარო ქირა], 1 მილიონი ლარით გამოაცხადა, ხოლო ვაჭრობის ბიჯი – 25 ათასი ლარი იყო.

აუქციონზე საბოლოო თანხა 30-ე ბიჯით დაფიქსირდა. აუქციონში 3 პრეტენდენტი ვაჭრობდა.

აუქციონის პირობის მიხედვით: „აუქციონში გამარჯვებულის მიერ სტადიონისათვის სახელის დარქმევის მიზნით შერჩეული სახელის ფორმულირება უნდა შეესაბამებოდეს მსოფლიოში არსებულ ანალოგიურ პრაქტიკას, უნდა მოიცავდეს სიტყვა „არენას“ და საბოლოო დამტკიცებისათვის უნდა წარედგინოს სტადიონის მესაკუთრეს“.

გარდა სტადიონისთვის სახელის დარქმევისა, აუქციონში გამარჯვებული სხვა უფლებებითაც ისარგებლებს.

დეტალურად ნახეთ ამ ბმულზე:

წლიურად მინიმუმ 1 მილიონი ბათუმის სტადიონის სახელით სარგებლობისთვის – აუქციონი

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com