Batumelebi | ბულვარში ნაგვის დაყრისთვის 80 ლარით დაჯარიმდებით ბულვარში ნაგვის დაყრისთვის 80 ლარით დაჯარიმდებით – Batumelebi
RU | GE  

ბულვარში ნაგვის დაყრისთვის 80 ლარით დაჯარიმდებით

ბათუმის ბულვარის ადმინისტრაცია იმ აკრძალვების ნუსხას აქვეყნებს, რომელთა დარღვევის შემთხვევაში პირს ფულადი ჯარიმები დაეკისრება. კერძოდ, ბულვარის ტერიტორიაზე აკრძალულია ნაგვის დაყრა, სატრანსპორტო საშუალებით მოძრაობა ქვეითებისთვის განკუთვნილ გზაზე და ქვეითების მოძრაობა ველო ბილიკზე.

ბულვარის ადმინისტრაციის თანახმად:

  • 2კგ-მდე მუნიციპალური ნარჩენით ბულვარის ტერიტორიის დანაგვიანება იწვევს პირის დაჯარიმებას 80 ლარის ოდენობით
  • მოტოციკლით, კვადროციკლით, ველოსიპედით ან სხვა მსგავსი მოძრავი საშუალებებით გადაადგილება ველობილიკის მიღმა გამოიწვევს პირის გაფრთხილებას ან დაჯარიმებას 20 ლარით, განმეორებით შემთხვევაში 50 ლარი.
  • ველობილიკზე ქვეითთა მოძრაობა აკრძალულია
  • ელექტრომობილით, მოტოციკლითა და კვადროციკლით (ელექტროტრანსპორტით) გადაადგილება აკრძალულია (დასაშვებია დელფინარიუმის მიმდებარე ტერიტორიიდან ახალი ბულვარის მიმართულებით)
  • ძაღლის ალიკაპის გარეშე ყოლა გამოიწვევს მფლობელის გაფრთხილებას ან დაჯარიმებას 20 ლარის ოდენობით

იმ სატრანსპორტო საშუალებების ჩამონათვალში, რომლებსაც ქვეითებისთვის განკუთვნილ ბილიკზე გადასვლა ეკრძალებათ, არ შედის სქროლი, რომელიც ასევე ელექტროა.

ნეტგაზეთის მასალების სხვა გამოცემებში გადაბეჭდვის წესი
ავტორი