Batumelebi | პანდემიის პერიოდში საქართველოში 112 ათასი ავტომანქანა შემოიტანეს, 43 ათასი კი გაიტანეს პანდემიის პერიოდში საქართველოში 112 ათასი ავტომანქანა შემოიტანეს, 43 ათასი კი გაიტანეს – Batumelebi
RU | GE  

პანდემიის პერიოდში საქართველოში 112 ათასი ავტომანქანა შემოიტანეს, 43 ათასი კი გაიტანეს

პანდემიის ერთ წელში, 2020 წლის მარტიდან 2021 წლის მარტის ჩათვლით, საქართველოში ჯამში 156 496 ავტომობილის იმპორტ-ექსპორტი განხორციელდა. აქედან 141 811 მსუბუქი ავტომობილი იყო.

პანდემიის დროს ავტომობილების იმპორტ-ექსპორტი, პანდემიამდე ერთ წელთან შედარებით, 135 594-ით შემცირდა [2019 წლის მარტიდან 2020 წლის მარტამდე ანუ არაპანდემიის დროს, ავტომობილების იმპორტ-ექსპორტმა საქართველოში რაოდენობრივად, ჯამში 292 090 შეადგინა].

იმპორტ-ექსპორტის მონაცემები 2020 წლის მარტიდან, 2021 წლის მარტის ჩათვლით:

  • საქართველოში შემოტანილია 100 109 მსუბუქი და 12 421 სატვირთო ავტომობილი
  • საქართველოდან გატანილია 41 702 მსუბუქი და 2 264 სატვირთო ავტომობილი

ამავე პერიოდში საქართველოში იმპორტირებულია 20 091 მოტოციკლი და ველოსიპედი, ხოლო ექსპორტზე გავიდა მხოლოდ 126 ცალი.

შედარებისთვის: საქსტატის მონაცემებით, 2019 წლის მარტიდან 2020 წლის მარტამდე, ანუ არაპანდემიის დროს, საქართველოში შემოიტანეს 11 373 და გაიტანეს 85 ცალი მოტოციკლი და ველოსიპედი.

ანუ, მოტოციკლებისა და ველოსიპედების იმპორტ-ექსპორტის მაჩვენებელი პანდემიის დროს 8 759-ით გაიზარდა.

ამავე თემაზე:

წელს 3 თვეში 206 მილიონი აშშ დოლარის ავტომანქანა შემოიტანეს – საქართველო

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com