მთავარი,სიახლეები

სარფიდან ზეთისხილის 4500 ნერგი უკან, იტალიაში გააბრუნეს

17.10.2023 • 5021
სარფიდან ზეთისხილის 4500 ნერგი უკან, იტალიაში გააბრუნეს

ფინანსთა სამინისტროს შემოსავლების სამსახურის ინფორმაციით, სარფის საბაჟოდან ზეთისხილის 4500 ნერგი უკან, იტალიაში გააბრუნეს. სამსახურის ინფორმაციით, „თანმხლებ ნიადაგში დიდი რაოდენობით მავნე ორგანიზმები გამოვლინდა.“

„საბაჟო გამშვებ პუნქტში „სარფი“, იტალიის რესპუბლიკიდან მომავალი 4500 ცალი ზეთისხილის ნერგით დატვირთული ორი ავტოსატრანსპორტო საშუალება იქნა შეჩერებული.

საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს ფიტოსანიტრების მიერ, ფიტოსანიტარიული სასაზღვრო – საკარანტინო კონტროლის პროცედურების განხორციელების შედეგად, მცენარეთა სიჯანსაღის მოთხოვნებთან შეუსაბამობა, კერძოდ, თანმხლებ ნიადაგში დიდი რაოდენობით მავნე ორგანიზმები გამოვლინდა.“ – აცხადებს შემოსავლების სამსახური.

სამსახურის ინფორმაციით, აღნიშნული საქონელი ექსპორტიორ ქვეყანაში გაბრუნებას დაექვემდებარა.

 

მთავარი ფოტო „ბათუმელების“ არქივიდან

გადაბეჭდვის წესი


ასევე: