Batumelebi | ბათუმის II საჯარო სკოლის რეაბილიტაციაზე 549 321 ლარი დაიხარჯება ბათუმის II საჯარო სკოლის რეაბილიტაციაზე 549 321 ლარი დაიხარჯება – Batumelebi
RU | GE  

ბათუმის II საჯარო სკოლის რეაბილიტაციაზე 549 321 ლარი დაიხარჯება

განათლების სამინისტრომ ელექტრონული ტენდერი გამოაცხადა ბათუმის მეორე საჯარო სკოლის შენობის რეაბილიტაციაზე. შენობა კულტურული მემკვიდრეობის ძეგლია.

სამინისტროს ინფორმაციით, პირველი ეტაპის სარეაბილიტაციო და აღდგენითი სამუშაოების შესყიდვისთვის ბიუჯეტიდან 549 321 ლარია გამოყოფილი, რომლის ფარგლებშიც დაგეგმილია „კულტურული მემკვიდრეობის ძეგლის სტატუსის მქონე ორსართულიანი შენობის სახურავისა და ფასადის რეაბილიტაცია“.

სამინისტროს განცხადებით, პროექტირების პროცესში ჩატარდა შესაბამისი კვლევა და ლაბორატორიული ანალიზი თავდაპირველი (ავთენტური) ფასადის ფერებისა და გამოყენებული მასალის სახეობის დასადგენად.

„შევისწავლეთ არქიტექტურული ელემენტების ფიზიკური მდგომარეობა, მოვიძიეთ საარქივო მასალები შენობის თავდაპირველი იერსახის დასადგენად,“ – აცხადებს სამინისტრო.

სატენდერო პირობების მიხედვით, სარეაბილიტაციო სამუშაოები გამარჯვებულმა კომპანიამ ხელშეკრულების გაფორმებიდან ოთხ თვეში უნდა დაასრულოს.

_______________________________

მთავარი ფოტო: მეორე საჯარო სკოლის რეაბილიტაციის ესკიზი

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com