Batumelebi | „ვითხოვთ ხელფასის მომატებას და ადამიანურ პირობებს“ – ხულო-ზარზმის გზის მშენებლები გაიფიცნენ „ვითხოვთ ხელფასის მომატებას და ადამიანურ პირობებს“ – ხულო-ზარზმის გზის მშენებლები გაიფიცნენ – Batumelebi
RU | GE  

„ვითხოვთ ხელფასის მომატებას და ადამიანურ პირობებს“ – ხულო-ზარზმის გზის მშენებლები გაიფიცნენ

„ვითხოვთ ხელფასის მომატებას და ადამიანურ პირობებს. შეიძლება არმატურის ქსოვაზე მუშაობდე და ხუთ დღეში ერთხელ გიცვლიდნენ ხელთათმანს?“ – ამბობს ხულოში, სოფელ დანისპარაულში მცხოვრები არჩილ ანთაძე. ის ხულოში გამართული საპროტესტო აქციის მონაწილეა.

კომპანია „სინოჰიდროში“ დასაქმებული 100-მდე ადამიანი დღეს, 21 აპრილს, გაიფიცა. ეს კომპანია ხულო-ზარზმის საავტომობილო გზას აკეთებს.

„კომპანიაში მივედით ამ დილით და გვითხრეს, თუ არ გინდათ, წადითო, არ მოგვისმინეს… ჩვენი ხელფასი დღეში 30 ლარია, დაგვპირნენ ჭამა-სმას, მაგრამ არ გვაძლევენ, 4 თვეა ვმუშაობ, მაგრამ დღეს ახალი კონტრაქტის გაფორმებაზე უარი ვთქვით,“ – გვითხრა არჩილ შანთაძემ.

კომპანია „სინოჰიდროში“ „ბათუმელებს“ უთხრეს, რომ განმარტებას დღის განმავლობაში მოგვაწვდიან.

ხულო-ზარზმის გზის 42 კმ-იანი მონაკვეთის რეკონსტრუქციას, რომელიც 2 მონაკვეთადაა დაყოფილი, არაბთა ეკონომიკური განვითარების ქუვეითის ფონდი აფინანსებს. 2 მონაკვეთის ჯამური ღირებულება 95 689 302 ლარია. პროექტის განხორციელების ვადა 2 წელია.

ხულო-ზარზმის გზის მშენებლობისთვის ამ ეტაპზე მიმდინარეობს სამშენებლო ბანაკების მოწყობა, მანქანა-მექანიზმების მობილიზება და მოსამზადებელი სამუშაოები.

ხულო-ზარზმის გზის ტენდერში გაიმარჯვა კომპანიამ, რომელმაც ქობულეთში ავტობანი ააშენა

 

ნეტგაზეთის მასალების სხვა გამოცემებში გადაბეჭდვის წესი
ავტორი