Batumelebi | რიონის ხეობის მცველებს მხარს უჭერენ ავსტრიაში მცხოვრები ქართველები რიონის ხეობის მცველებს მხარს უჭერენ ავსტრიაში მცხოვრები ქართველები – Batumelebi
RU | GE  

რიონის ხეობის მცველებს მხარს უჭერენ ავსტრიაში მცხოვრები ქართველები

ავსტრიაში მცხოვრებმა ქართველებმა რიონის ხეობის მცველებს მხარდაჭერა გამოუცხადეს და საპროტესტო აქცია გამართეს.

„ბრძოლა ღირსებისთვის”, „სახალხო ინტერესი პირად ინტერესებზე მაღლა! ყველამ ერთად განვსაზღვროთ ქვეყნის ენერგოპოლიტიკა“, „საქართველო არის ხალხის და არა რომელიმე მთავრობის საკუთრება”, „რიონის ხეობა საფრთხეშია”, „არა ნამახვანჰესს!” – წერია პოსტერებზე, რომლებსაც ავსტრიაში მცხოვრები ქართველები ავრცელებენ სოციალურ ქსელში.

„ავსტრიაში მცხოვრებმა ქართველებმა გადავწყვიტეთ, მხარდაჭერა გამოვუცხადოთ რიონის ხეობის მცველებს. ჩვენ ვგმობთ ყველა იმ უკანონობას, რომელსაც ხელისუფლება ახორციელებს რიონის ხეობაში და მოვუწოდებთ საქართველოს მთვარობას, შეწყვიტოს რიონის ხეობის მცველების წინააღმდეგ რეპრესიული მექანიზმებით მოქმედება და მათი კონსტიტუციურად გარანტირებული უფლებების შეზღუდვა.

ხელისუფლება უნდა იცავდეს მოსახლეობის ინტერესს. აქედან გამომდინარე, ყოვლად გაუმართლებელია კერძო კომპანიის ინტერესის დასაცავად საკუთარი მოქალაქეების უფლებების შეზღუდვა,” – წერია განცხადებაში, რომელსაც ავსტრიაში მცხოვრები ქართველები ავრცელებენ.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com