სკოლებში, სადაც მოსწავლეთა რაოდენობა 1000-ს აღემატება, სამედიცინო კაბინეტები 2021 წლის 15 სექტემბრამდე უნდა გაიხსნას, ხოლო იმ სკოლებში, სადაც მოსწავლეთა რაოდენობა 1000-ზე ნაკლებია – 2022 წლის 15 სექტემბრამდე.
სკოლებში სამედიცინო კაბინეტების მოწყობას „ზოგადი განათლების შესახებ“ საქართველოს კანონში შესული ახალი ცვლილებები ითვალისწინებს, რომლებიც 2021 წლის 13 აპრილიდან ამოქმედდა.
ამ კანონით, ზოგადსაგანმანათლებლო დაწესებულებაში/სკოლაში, სამედიცინო სივრცის [კაბინეტი/პუნქტი] ფუნქციონირება, საქართველოს განათლებისა და მეცნიერების სამინისტრომ უნდა უზრუნველყოს.
სკოლა კი ვალდებულია, „მოსწავლეთა ჯანმრთელობის დაცვისა და მათი სრულყოფილი განვითარებისთვის უზრუნველყოს ზოგადსაგანმანათლებლო დაწესებულებაში/სკოლაში სამედიცინო მომსახურების სივრცის [კაბინეტი/პუნქტი] ფუნქციონირებისთვის შესაბამისი პირობების შექმნა.“
განათლებისა და ჯანდაცვის სამინისტროებმა 2021 წლის 13 ივლისამდე სკოლების სამედიცინო პერსონალის საქმიანობის სტანდარტი და სკოლებში სამედიცინო კაბინეტის ფუნქციონირების წესები უნდა დაამტკიცონ.
ამავე პერიოდში საქართველოს განათლებისა და მეცნიერების სამინისტრომ უნდა უზრუნველყოს სათანადო კანონქვემდებარე ნორმატიული აქტების კანონში შესულ ახალ ცვლილებებთან შესაბამისობა.
აჭარის საზოგადოებრივი ჯანდაცვის ცენტრის ინფორმაციით, 15 აპრილის მდგომარეობით, აჭარის სამ მუნიციპალიტეტში – ბათუმში, ხელვაჩაურსა და ქობულეთში, ახალი კორონავირუსის შემთხვევების გამო, სრულად ონლაინსწავლებაზეა გადასული 10 სკოლა და 21 ცალკეული კლასი.
აჭარაში კოვიდის გამო 10 სკოლა და 21 კლასია ონლაინსწავლებაზე გადასული
