მთავარი,სიახლეები

„ვაპირებ ქალაქისთვის ბრძოლას“ – ბათუმის ბულვარის ყოფილი დირექტორი

12.04.2021 • 3321
„ვაპირებ ქალაქისთვის ბრძოლას“ –  ბათუმის ბულვარის ყოფილი დირექტორი

ბათუმის ბულვარის უკვე ყოფილი დირექტორი ირაკლი ჯინჭარაძე ამბობს, რომ ბულვარის დასაცავად სამოქალაქო სექტორთან ერთად იბრძოლებს.

მისივე თქმით, ის არც ერთ პარტიულ და არასამთავრობო ორგანიზაციაში გაერთიანებას არ გეგმავს.

„ვაპირებ ქალაქისთვის ბრძოლას. სამოქალაქო სექტორში გავერთიანდები და ჩვენ ვიბრძოლებთ ქალაქის ყველა კუთხე-კუნჭულისთვის.

არანაირი ორგანიზაციის შექმნას არ ვაპირებ, არც პოლიტიკაში, არც ოპოზიციაში, არანაირ პარტიაში შესვლა არ მაქვს გეგმაში, არ გვჭირდება ამდენი პარტიული, ჩვენ გვჭირდება ადამიანი, რომელიც სიმართლეს იტყვის რეგიონისთვის,“  – ამბობს ირაკლი ჯინჭარაძე.

ირაკლი ჯინჭარაძემ დღეს, 12 აპრილს, თანამდებობიდან გათავისუფლების შესახებ აჭარის ტელევიზიით შეიტყო, ამის შემდეგ კი ეს ინფორმაცია მას აჭარის ფინანსთა და ეკონომიკის სამინისტროს აპარატის უფროსმა დაუდასტურა.

ბათუმის ბულვარის დირექტორს თანამდებობა დაატოვებინეს – „ეს ამბავი აჭარის ტელევიზიით გავიგე“

გადაბეჭდვის წესი


ასევე: