მთავარი,სიახლეები

უკრაინის მხარდასაჭერად ბათუმში სოლიდარობის აქცია გაიმართება

12.04.2021 • 1065
უკრაინის მხარდასაჭერად ბათუმში სოლიდარობის აქცია გაიმართება

ბათუმში, ევროპის მოედანზე, უკრაინელების მხარდასაჭერად შეიკრიბებიან. სოლიდარობის აქცია დღეს, 12 აპრილს, საღამოს 6 საათზე გაიმართება.

„ბათუმში რიგითი მოქალაქეები ვიკრიბებით უკრაინისთვის მხარდაჭერის გამოსახატად, რადგანაც ვფიქრობთ, რომ ეს ბრძოლა ისევეა უკრაინის, როგორც საქართველოსი.

თითოეულ ჩვენგანს მიაჩნია, რომ უკრაინის მიმართ აგრესია რუსეთის მხრიდან იმაზე მეტად გვეხება საქართველოს, ვიდრე სხვა დანარჩენ ქვეყნებს, მეტიც, პირდაპირ კავშირშია ჩვენთან,“ – მიიჩნევენ აქციის ორგანიზატორები.

აქციის ერთ-ერთი ორგანიზატორია მოძრაობა „სირცხვილია“.

ბოლო დღეების განმავლობაში აღმოსავლეთ უკრაინაში, კონფლიქტის ზონაში, არაერთხელ დაირღვა მხარეებს შორის დადებული ცეცხლის შეწყვეტის შეთანხმება, რასაც ემსხვერპლა არაერთი უკრაინელი სამხედროსა და დონეცკისა და ლუგანსკის დე ფაქტო რესპუბლიკების მებრძოლების სიცოცხლე.

გადაბეჭდვის წესი


ასევე: