Batumelebi | თუ ეპიდსიტუაცია კიდევ უფრო გაუარესდა, ვიმსჯელებთ გამკაცრებაზე – გამყრელიძე თუ ეპიდსიტუაცია კიდევ უფრო გაუარესდა, ვიმსჯელებთ გამკაცრებაზე – გამყრელიძე – Batumelebi
RU | GE  

თუ ეპიდსიტუაცია კიდევ უფრო გაუარესდა, ვიმსჯელებთ გამკაცრებაზე – გამყრელიძე

საქართველოს დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის, ამირან გამყრელიძის განცხადებით, საქართველოში ეპიდსიტუაცია სულ უფრო უარესდება.

დღეს, 6 აპრილს, საქართველოში კოვიდის 897 ახალი შემთხვევა დადასტურდა, რაც ყველაზე დიდი მაჩვენებელია ბოლო თვეების განმავლობაში.

„ეპიდსიტუაცია საკმაოდ დაძაბულია ქვეყანაში, სულ უფრო და უფრო უარესდება. მივდივართ იქითკენ, რომ მესამე ტალღა იყოს ქვეყანაში.

არ გვინდა ეს იყოს, ამიტომ ყველამ უნდა დავიცვათ რეკომენდაციები, რომ როგორმე თავი ავარიდოთ მესამე ტალღას.

მცირე ეპიდაფეთქებები, კლასტერები რაც გვაქვს, დაახლოებით ათამდე ქვეყანაში, ამის წყარო ისევ და ისევ გახლავთ დიდი თავშეყრები, ქორწილები და ქელეხები.

თუ ეპიდსიტუაცია გაუარესდა კიდევ უფრო მეტად, მაშინ საკოორდინაციო საბჭო იმსჯელებს სხვადასხვა გამკაცრებებზე,“ – განაცხადა ამირან გამყრელიძემ ტელეკომპანია „იმედთან“.

5 აპრილის მდგომარეობით, საქართველოში კორონავირუსის დადებითობის დღიური მაჩვენებელი არის 3.65 %, ბოლო 14 დღის მანძილზე – 1.94%, ხოლო 7 დღის მანძილზე – 2.32 %.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com