Batumelebi | თავდაცვის სამინისტრო ბათუმში მიწას ითხოვს თავდაცვის სამინისტრო ბათუმში მიწას ითხოვს – Batumelebi
RU | GE  

თავდაცვის სამინისტრო ბათუმში მიწას ითხოვს

თავდაცვის სამინისტროს ბათუმში, ფიროსმანის #25-ში 1180 კვ.მ. მიწის ნაკვეთს გადასცემენ. შესაბამისი მოთხოვნით ბათუმის მერიას ქონების ეროვნულმა სააგენტომ მიმართა. სააგენტო ბათუმის მერიისგან ნაკვეთს შემდგომში მისი თავდაცვის სამინიტროსთვის გადაცემის მიზნით ითხოვს.

ბათუმის მერიამ უკვე მოამზადა განკარგულების პროექტი, რითაც ნაკვეთს გადასცემს ქონების ეროვნულ სააგენტოს. საკითხი საკრებულოს შემდეგი სხდომის დღის წესრიგშია შეტანილი დასამტკიცებლად.

ბათუმის მერიის ინფორმაციით, თავდაცვის სამინისტრო გადაცემულ ნაკვეთზე საზოგადოებრივი ცენტრის აშენებას გეგმავს. რაში სჭირდება დახურულ თავდაცვის უწყებას საზოგადოებრივი ცენტრი ბათუმში, ამ კითხვაზე პასუხი არ გვაქვს, სამინისტროში ტელეფონს არ პასუხობენ.

ნეტგაზეთის მასალების სხვა გამოცემებში გადაბეჭდვის წესი
ავტორი