Batumelebi | კოვიდზე აცრის შემდეგ მოქალაქე 45 წუთი უნდა დარჩეს კლინიკაში კოვიდზე აცრის შემდეგ მოქალაქე 45 წუთი უნდა დარჩეს კლინიკაში – Batumelebi
RU | GE  

კოვიდზე აცრის შემდეგ მოქალაქე 45 წუთი უნდა დარჩეს კლინიკაში

საქართველოს ჯანდაცვის მინისტრის მოადგილის, თამარ გაბუნიას განცხადებით, როგორ „ფაიზერის“, ისე „ასტრაზენეკას“ ვაქცინით აცრის შემთხვევაში მოქალაქე უნდა დარჩეს აცრის ადგილას 45 წუთის განმავლობაში. თამარ გაბუნიამ აღნიშნა, რომ აქამდე გათვალისწინებული იყო 30 წუთი, თუმცა დარჩენის ინტერვალი დამატებითი უსაფრთხოების მიზნით გაიზარდა 45 წუთამდე.

მან ასევე აღნიშნა, რომ განსხვავება პროტოკოლში „ფაიზერით“ თუ „ასტრაზენეკას“ ვაქცინით აცრის შემთხვევაში არ არის, გარდა იმისა, რომ „ფაიზერს“ სჭირდება სპეციალური შპრიცი, რომელიც ქვეყანამ წინასწარ შეიძინა, სულ 50 000 შპრიცი.

„ფაიზერის“ 1 ფლაკონით ხდება 6 ადამიანის აცრა, ხოლო „ასტრაზენეკას“ შემთხვევაში – 10 ადამიანის.

ამ ეტაპზე საქართველოში კოვიდზე აცრა შეუძლიათ 65 წელზე მეტი ასაკის მოქალაქეებს და სამედიცინო პერსონალს. აცრა ნებაყოფლობითია. 

„ფაიზერის“ ვაქცინის 29 250 დოზა საქართველოში დღეს, გამთენიისას შემოიტანეს. მოქალაქეებს შესაძლებლობა ექნებათ არჩევანი გააკეთონ „ფაიზერისა“ და „ასტრაზენეკას“ ვაქცინებს შორის აცრის წინ, სანამ ამის შესაძლებლობა იქნება, რადგან საქართველოში შემოტანილი „ფაიზერის“ დოზები საკმარისია მხოლოდ  14 500. რაც შეეხება „სტრაზენეკას“, ჯანდაცვის სამინისტროს ცნობით, ქვეყანაში შემოტანილია 43 200 დოზა.

კორონავირუსზე ვაქცინაცია ამჯერად საქართველოში ხდება მხოლოდ მრავალპროფილურ კლინიკებში.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com