„არ გვეშინია, რომ ვაქცინის დოზების ათვისება ვერ მოხდება“ – განაცხადა საქართველოს ჯანდაცვის მინისტრმა ეკატერინე ტიკარაძემ დღეს, 25 მარტს მთავრობის სხდომის შემდეგ გამართულ ბრიფინგზე.
„საბჭოს გააჩნია თავისი კალენდარი, რომლის მიხედვითაც ვხელმძღვანელობთ, საბჭო ყოველი კვირის ბოლოს იკრიბება და იღებს გადაწყვეტილებას იმის შესახებ, თუ როგორ გაფართოვდება ვაქცინაციის პროცესი.
ჩვენი, ჩემი პირადი სტრატეგია არის შემდეგი, რომ რეგიონულ დონეზე მე ყველგან გავეცნობი რა სიტუაციაა, ვაქცინაციის პროცესის ნელა მიმდინარეობას ასევე ადგილზე გავეცნობი, იმისათვის, რომ შემდეგ საბჭოს ფორმატში ვიმსჯელოთ ყველა იმ მიზეზ-შედეგობრივ კავშირზე ვაქცინაციის პროცესის უკეთ წარმართვისთვის“ – განაცხადა ტიკარაძემ.
მინისტრმა აღნიშნა, რომ ხვალ, 26 მარტს, გეგმავს ვიზიტს აჭარასა და გურიაში და ჩავა ყველა რეგიონში, რათა ადგილზე გაეცნოს ვაქცინაციის პროცესს.
