Batumelebi | ქობულეთში მტაცებლებზე ნადირობა გრძელდება მოსახლეობის დასაცავად ქობულეთში მტაცებლებზე ნადირობა გრძელდება მოსახლეობის დასაცავად – Batumelebi
RU | GE  

ქობულეთში მტაცებლებზე ნადირობა გრძელდება მოსახლეობის დასაცავად

ქობულეთის მერის მოადგილის, დავით ვერულიძის ინფორმაციით, მონადირეების საშუალებით მტაცებელი ცხოველების – მგლებისა და ტურების ლიკვიდაცია ისევ იგეგმება. მისი თქმით, ასეთ ზომებს მიმართავენ მაშინ, როცა პოპულაცია იზრდება და საფრთხისშემცველია მოსახლეობისთვის. გარდა ამისა, ქობულეთში თებერვლის თვეში ცხოველების ცოფის შემთხვევები დადასტურდა 3 სოფელში, სადაც დაავადების გადამტანი ტურა იყო. მტაცებელთა სალიკვიდაციო სამუშაოები ცოფის პრევენციის მიზნითაც ხორციელდება.

მონადირეებმა ქობულეთის ტყეებში 5 მგელი და 5 ტურა უნდა მოინადირონ. ნადირობა ქობულეთის ტყეებში მონადირეებმა თებერვლის შუა რიცხვებიდან დაიწყეს. მერიაში გვითხრეს, რომ ჯერჯერობით მხოლოდ 2 ტურაა მონადირებული.

რაც შეეხება ცოფის შემთხვევებს, ქობულეთის სოფლებში თებერვლის შემდეგ ცოფი არ დაფიქსირებულა.

___

თებერვლის თვეში სამ სოფელში – ჯიხანჯურში, წყავროკასა და ცხრაფონაში ცოფის შემთხვევების გამო 60-დღიანი კარანტინი გამოაცხადეს. ეს გულისხმობს კონტროლს შინაური ცხოველების გადაადგილებაზე და მათ სავალდებულო ვაქცინაციას. ამ სოფლებში ჯერ ისევ აკრძალულია რძისა და ხორცპროდუქტების რეალიზაცია 2 თვის განმავლობაში.

კარანტინი დასრულდა მხოლოდ ერთ სოფელში – ჯიხანჯურში. წყავროკასა და ცხრაფონაში კი შეზღუდვები აპრილის თვემდე ისევ გრძელდება.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com