ბათუმი,მთავარი,სიახლეები

ბათუმში აქციის მონაწილეებმა გზა გადაკეტეს

21.03.2021 • 1941
ბათუმში აქციის მონაწილეებმა გზა გადაკეტეს

დღეს, 21 მარტს, „ოცნების ქალაქში“ მცხოვრებლებმა ბათუმში ფრიდონ ხალვაშის გამზირი გადაკეტეს.

საპროტესტო აქციის მონაწილეები ითხოვენ კრიტერიუმების დადგენას, რომელთა მიხედვითაც განისაზღვრება ვის ეკუთვნის ბინა საცხოვრებელ კორპუსებში, რომლებიც ახლა შენდება.

ამ წუთებში [13:20 სთ] პოლიციამ მოახერხა და ავტომანქანების მოძრაობა აღდგა, თუმცა საპროტესტო აქციის მონაწილეები რჩებიან ქუჩაში. მათ გზის სავალი ნაწილის ერთი მხარე გადაკეტილი აქვთ.

პოლიციას კორდონი აქვს მოწყობილი და აქციის მონაწილეებს არ აძლევს გზის სრულად გადაკეტვის საშუალებას.

განახლება: [13:40 სთ] აქციის მონაწილეებმა მიიღეს გადაწყვეტილება, დღეს შეწყვიტონ აქცია. ორგანიზატორების განცხადებით, აქცია ხვალ, 22 მარტს, დღის 2 საათზე ბათუმში, ბაგრატიონის ქუჩაზე განახლდება. მათივე თქმით, ისინი ხვალაც გადაკეტავენ გზას [ბაგრატიონის ქუჩას], თუ ხელისუფლების წარმომადგენლები მათთან არ მივლენ და არ გააფორმებენ ხელშეკრულებებს ოჯახებთან, რაც იქნება გარანტია, რომ ისინი მშენებარე კორპუსებში ბინებს მიიღებენ.

 

„ოცნების ქალაქში“ მცხოვრებლებმა ფრიდონ ხალვაშის გამზირი გადაკეტეს / 21.03.2021 / ფოტო: გურამ მურვანიძე/ბათუმელები

„ოცნების ქალაქში“ მცხოვრებლებმა ფრიდონ ხალვაშის გამზირი გადაკეტეს / 21.03.2021 / ფოტო: გურამ მურვანიძე/ბათუმელები

„ოცნების ქალაქი“ ისევ საპროტესტო აქციას მართავს | Live

გადაბეჭდვის წესი


ასევე: