გერმანიაში, საფრანგეთსა და რამდენიმე სხვა ევროპულ ქვეყანაში გადაწყვიტეს განაახლონ „ასტრაზენეკას“ ვაქცინის გამოყენება.
ამ გადაწყვეტილების მთავარი მიზეზი გახდა ევროპის წამლის სააგენტოს განცხადება იმის შესახებ, რომ „ასტრაზენეკას“ ვაქცინა არის უსაფრთხო და ეფექტური.
გერმანიის ჯანდაცვის მინისტრის, იენს სპანის განცხადებით, გერმანია ვაქცინაციას „ასტრაზენეკას“ ვაქცინით დღეს, პარასკევს, განაახლებს.
მინისტრმა აღნიშნა, რომ სწორი გადაწყვეტილება მიიღეს, როცა ვაქცინაცია ევროპის წამლის სააგენტოს დასკვნის გამოქვეყნებამდე შეაჩერეს უსაფრთხოების მიზნით.
„ასტრაზენეკას“ ვაქცინის გამოყენებას განაახლებენ გერმანია, საფრანგეთი, იტალია, ბულგარეთი, ესპანეთი, ლატვია და სლოვენია.
საფრანგეთის პრემიერ-მინისტრი ჯან კასტექსი „ასტრაზენეკას“ ვაქცინას დღეს, 19 მარტს, საჯაროდ გაიკეთებს, რომ ხელი შეუწყოს ვაქცინისადმი ნდობის გაზრდას.
