მთავარი,სიახლეები

რა სპექტაკლებს ნახავს მაყურებელი ბათუმის დრამატულ თეატრში აპრილიდან

15.03.2021 • 1187
რა სპექტაკლებს ნახავს მაყურებელი ბათუმის დრამატულ თეატრში აპრილიდან

ბათუმის დრამატული თეატრი პანდემიის შეზღუდვებისას დადგმულ სპექტაკლებს აპრილიდან წარუდგენს მაყურებელს.

„შეზღუდვების პერიოდი ჩვენ ყველა რეგულაციის დაცვით გამოვიყენეთ რეპეტიციებისთვის. აპრილის თვიდან მაყურებელი ნახავს ზაზა სიხარულიძის დადგმულ სპექტაკლს ,,სჯანი“, გაგა კოშაძის ნამუშევარს ,,ბოლო გაჩერება“, ნოდარ დუმბაძის ,,ჰელადოსს“ და გურამ მაცხონაშვილის ,,ელექტრას ომს“, რომელიც გასულ წელს ღია ცის ქვეშ ვაჩვენეთ მაყურებელს კოვიდპანდემიის გამო დაწესებული შეზღუდვების შესაბამისად,“ – ამბობს ანდრო ენუქიძე, თეატრის სამხატვრო ხელმძღვანელი.

მისივე თქმით, ახლა თეატრში ორ პრემიერას დგამენ – ჩეხოვის ,,თოლიას“ და დენი დიდროს რომანის ინსცენირებას ,,ჟაკი და მისი ბატონი“.

თეატრის საზოგადოებასთან ურთიერთობის სამსახურის ინფორმაციით, სპექტაკლების ჩვენების თარიღები აპრილის თვეში ჯერ ცნობილი არ არის. წარმოდგენებისას დარბაზში ხელმისაწვდომი იქნება სადეზინფექციო საშუალებები და დაცული იქნება სოციალური დისტანცია, მაყურებლები დარბაზში დასხდებიან თითო სავარძლის გამოტოვებით, რაც იმას ნიშნავს, რომ მხოლოდ 102 მაყურებელს შეეძლება სპექტაკლებზე დასწრება. ბათუმის დრამატული თეატრი ჯამში 400-ზე მეტ მაყურებელზეა გათვლილი.

გადაბეჭდვის წესი


ასევე: