8 მარტს, საღამოს 5 საათზე, ბათუმში, ისევე როგორც საქართველოს სხვა ქალაქებში, საპროტესტო მსვლელობა „1000 მშობლის მარში“ მოეწყობა. ეს აქცია ნაწილია 100-დღიანი კამპანიისა, რომელიც უპირისპირდება სქესობრივ ძალადობას გოგოების და ქალების მიმართ.
აქციის მონაწილეები ბათუმში, ვარდების სკვერში შეიკრიბებიან.
აქციის ძირითადი მოთხოვნებია:
- შეიცვალოს სისხლის სამართლის კოდექსში გაუპატიურების მუხლი, რითიც თანხმობის არარსებობა გახდება ცენტრალური ამოსავალი;
- შეიქმნას პროკურატურაში სპეციალიზებული დეპარტამენტი, რომელიც სექსუალური ძალადობის საქმეებს ეფექტიანად გამოიძიებს;
- გახდეს სქესობრივი განათლება ფორმალური განათლების ნაწილი, რითიც ბავშვები შეძლებენ სქესობრივი ძალადობის ამოცნობას და მისგან თავის დაცვას;
- გაიზარდოს ფსიქოლოგების და სოცმუშაკების რაოდენობა;
- დადგეს ნინის საქმის პროკურორის პასუხისმგებლობის საკითხი სამსახურებრივი გულგრილობის გამო.
საპროტესტო კამპანია და 1000 მშობლის მარში მხოლოდ მშობლებს არ ეხება. ის აერთიანებს ყველა ასაკისა და პროფესიის ადამიანს, სამოქალაქო კერძო და საზოგადოებრივ ორგანიზაციებს და ყევლას, ვისთვისაც ეს საკითხი მნიშვნელოვანია.
პარალელურად, იმავე დროს, მშობლების მარში გაიმართება:
თბილისში – ვარდების მოედანი
გორში – თეატრის მიმდებარე სკვერი.
ზუგდიდში – ცენტრალური ბულვარის ტერიტორია.
თელავში – ცენტრალური მოედანი, თეატრის წინ.
მარნეულში – იუსტიციის სახლთან.
ქობულეთში – 9 აპირილის სკვერი
ქუთაისში – ცენტრალური მოედანი კოლონადებთან.
რუსთავში – ზვიად გამსახურდიას სახელობის სკვერი, თეატრის წინ.
ახალციხეში – ცენტრალური პარკი.
ხარაგაულში – ხარაგაულის კინოთეატრი.
