მთავარი,სიახლეები

შატილის გზაზე მომხდარი ავარიის გამო კომპანიის დირექტორი დააკავეს

24.02.2021 • 1272
შატილის გზაზე მომხდარი ავარიის გამო კომპანიის დირექტორი დააკავეს

შატილში მომხდარი ავარიის ფაქტზე შსს-მ ორი პირი დააკავა. საუბარია 2020 წლის 23 აგვისტოს დუშეთში, სოფელ ბისოს ტერიტორიაზე მომხდარ ავტოსაგზაო შემთხვევაზე, რომლის შედეგადაც 17 ადამიანი დაიღუპა, 3 – მძიმედ დაშავდა.

სამართალდამცველებმა, ჩატარებული საგამოძიებო მოქმედებების შედეგად, ტურისტული კომპანია შპს „თრეველ ჯის“ დირექტორი – 1986 წელს დაბადებული შ.ბ. და ამავე კომპანიის მიერ დაქირავებული სამგზავრო მიკროავტობუსის მესაკუთრე – 1966 წელს დაბადებული გ.გ. დააკავეს.

დაკავებულებს ბრალად ედებათ ტექნიკურად გაუმართავი ტრანსპორტის ექსპლუატაციაში გაშვება, რამაც ორი ან მეტი ადამიანის სიცოცხლის მოსპობა გამოიწვია.

დანაშაული 6-დან 10 წლამდე ვადით თავისუფლების აღკვეთას ითვალისწინებს.

გადაბეჭდვის წესი


ასევე: