პარლამენტის პირველი ვიცე-სპიკერი სახალხო დამცველს ნინო ლომჯარიას „ნაცდამცველს“ უწოდებს და ამბობს, რომ დროა „ლომჯარიამ ამ ემოციურ შეძახილებს თავი დაანებოს“.
„სახალხო დამცველი არის ნაცდამცველი, რომელიც აბსოლუტურად, მთელი ცხოვრების მანძილზე, ვერ ჩამოიშორებს აი, ამ შეფასებას. ნინო ლომჯარიამ ამ ემოციურ შეძახილებს თავი დაანებოს, ჯობია და სამართლებრივად შეაფასოს ვითარება, რამდენად დაცული იყო ადამიანის უფლებები, როცა აკავებდნენ. რამდენად გადააჭარბა თუ არ გადააჭარბა ძალას პოლიციამ. სწორი გადაწყვეტილება არის სასამართლოსი თუ არ არის სწორი გადაწყვეტილება, ამაზეც კი შეუძლია იმსჯელოს. მაგრამ რა იყო სამარცხვინო მე უკეთ ვიცი. სამარცხვინოა, როდესაც ადამიანებს დედას აგინებენ პირდაპირ ეთერში. პრეზიდენტს ამკობენ ისეთი სიტყვებით, რომელიც გამოწვევაა მთელი ჩვენი საზოგადოებისათვის და სახალხო დამცველი დუმს,“ – თქვა გია ვოლსკიმ მიმდინარე მოვლენების შეფასებისას.
ვიცე-სპიკერის კომენტარს ტელეკომპანია “ფორმულა” ავრცელებს.
ვოლსკის კომენტარი სახალხო დამცველის მწვავე განცხადებას მოჰყვა.
https://netgazeti.ge/news/521277/
დღეს, 23 თებერვალს პოლიციამ ერთიანი ნაციონალური მოძრაობის ოფისი შტურმით აიღო და ოპოზიციური პარტიის ლიდერი, ნიკა მელია დააკავა.
