ხულო-თაგოს საბაგირო გზის პირველი სადგურის [დაბა ხულოში] ფასადის რეაბილიტაცია და ინტერიერის მოპირკეთება იგეგმება. სადგურის რეაბილიტაციისთვის ხულოს მუნიციპალიტეტმა ტენდერი გამოაცხადა. სატენდერო თანხა 113 ათას 864 ლარია.
ასეთი იქნება ხულო-თაგოს საბაგირო გზის პირველი სადგური რეაბილიტაციის შემდეგ / ფოტოები პროექტიდან
სადგურის რეაბილიტაცია 2021 წლის პირველი აპრილიდან 90 კალენდარულ დღეში [ივლისამდე] უნდა დასრულდეს.
ტენდერში წინადადებების მიღება კი 18 თებერვალს დაიწყება და 23 თებერვალს დასრულდება.
ხულო-თაგოს საბაგირო გზის სადგური დაბა ხულოში – ფოტო ტენდერიდან
პროექტის მიხედვით, იგეგმება საბაგირო გზის „პირველი სადგურის სახურავის რეკონსტრუქცია, ბურვილის შეცვლა; ფასადის წიბოების შემოსვა ალუკობონდით; კიბის რეაბილიტაცია-კერამოგრანიტით შემოსვა; კიბის ხის მოაჯირების მოწყობა; ლითონის მოაჯირების მოწყობა ბაქანზე; კარნიზების შეფუთვა ხის მასალით; ფასადის კედლებიდან ამორტიზებული ეკლარის ფილების ჩამოყრა და შემოსვა დამუშავებული ტრავენტინით;
ასევე, ფასადებზე გამომავალი კარ-ფანჯრის ბლოკების შეცვლა ფერადი მეტალოპლასტმასის ბლოკებით; საყვავილეების მოწყობა; ფასადისა და შიგა სამღებრო სამუშაოები.
1719-მეტრიანი საბაგირო გზა დაბა ხულოს სოფელ თაგოსთან აკავშირებს.
—
ხულო-თაგოს საბაგირო გზა პანდემიის პირობებში იმ რეგულაციების დაცვით მუშაობს, რაც მთავრობას აქვს დაწესებული საზოგადოებრივი ტრანსპორტისთვის:
აჭარაში საბაგიროთი გადაადგილებაც აიკრძალა – როგორ იმუშავებს ხულო-თაგოს საბაგირო
