მთავარი,სიახლეები

ბათუმში კოვიდკლინიკა იქნება მხოლოდ რესპუბლიკური საავადმყოფო

07.01.2021 • 2454
ბათუმში კოვიდკლინიკა იქნება მხოლოდ რესპუბლიკური საავადმყოფო

ნინო ნიჟარაძე, აჭარის ჯანდაცვის მინისტრი

____

12 ჰოსპიტალი იყო პიკურ პერიოდში კოვიდის მართვაში ჩართული. 1100-ზე მეტი საწოლი იყო მობილიზებული. რეგიონში 150 რეანიმაციული საწოლი გაიზარდა 300-მდე. პრაქტიკულად ჩვენი საწოლფონდი იყო მობილიზებული კოვიდისკენ. ახლა უფრო მეტი თავისუფალი საწოლი გვაქვს, ვიდრე გვყავს დაავადებული. ამან მოგვცა იმის საშუალება, დაგვებრუნებინა კლინიკების მრავალპროფილურ, სომატურ რეჟიმზე. ჩვენ გამოვყავით კლინიკები, სადაც ნაკლები იყო პაციენტები, სადაც არ იყო რეანიმაციული სერვისის მიწოდების პირობები და ამ კლინიკებს უკვე მივეცით გარკვეული ვადა, რომ მოემზადონ და დაუბრუნდნენ ძველ, მრავალპროფილურ რეჟიმს.

ის, რომ კლინიკები უბრუნდებიან თავიან რეჟიმს, იმას არ ნიშნავს, რომ არ იქნებიან მზად შესაძლო დაინფიცირებულის მიღებისგან. შესაძლოა პაციენტი სხვა ჩივილებით მივიდეს არაკოვიდსაავადმყოფოში და აღმოაჩნდეს [კოვიდი]. ყველა სამედიცინო დაწესებულება იქნება მზად იმისათვის, რომ მოახდინოს დროული იდენტიფიცირება სწრაფი ტესტით და გადაიყვანოს პაციენტი ბოქსირებულ პალატაში, სანამ არ მოხდება სრული დიაგნოსტირება. შემდგომ პაციენტი უნდა იმართოს მდგომარეობის მიხედვით.

ჩვენ ისე უნდა გადავეწყოთ, რომ მთელი სისტემა იყოს მობილიზებული კოვიდით ინფიცირებული შესაძლო პაციენტების გამოვლენისკენ. თუმცა კლასიკური გაგებით კოვიდკლინიკა იქნება ბათუმის რესპუბლიკური საავადმყოფო.

___

წყარო: ბათუმელები

ვრცლად:

აჭარის მოსახლეობის 1/3-ს კოვიდი გადატანილი აქვს – ჯანდაცვის მინისტრი

გადაბეჭდვის წესი


ასევე: