ქედაში, სოფელ ბზუბზუსთან ახლოს ხანძარია. ცეცხლის მცირე კერები 15 ჰექტრამდე ტერიტორიაზეა გაბნეული. სოფელში ცეცხლი გუშინ, 4 იანვარს გაჩნდა და მის ჩაქრობას მეხანძრე-მაშველები ამ დრომდე ცდილობენ.
„ეს არ არის მასიური ტყის წვა. ამ 15 ჰექტარზე გარკვეულ ადგილებზე იყო მცირე კერები. გუშინვე დავიწყეთ ცეცხლის ჩაქრობა, მაგრამ ქარმა გადაიტანა ნაკვერჩხალი და სხვა ადგილებშიც გაჩნდა ცეცხლი. ხანძრის 70 % უკვე ჩამქრალია. შეიძლება ითქვას, რომ საფრთხის შემცველი აღარაა. ახლა მიდის ამ მცირე კერების ჩაქრობა და პრევენცია, რომ არ გაღვივდეს კიდევ უფრო ცეცხლი,“ – უთხრა „ბათუმელებს“ ქედის მერის მოადგილე როლანდ ბერიძემ.
ქედაში ხანძრის ლოკალიზებაში 115 მეხანძრე-მაშველია ჩართული.
მთავარი ფოტო მოგვაწოდა ქედის მერიის პრესსამსახურმა
