ბათუმში მცხოვრები სოციალურად დაუცველი მოსახლეობისთვის სასურსათო კალათების დარიგება დაიწყო. ქალაქის მერიის ინფორმაციით, სასურსათო კალათს ბათუმში მცხოვრები 5 200 პირი მიიღებს. მათ პროდუქტს საცხოვრებელ ადგილზე მიუტანენ.
ბათუმში სასურსათო კალათას მიიღებენ:
- 100 000 ქულის ჩათვლით – შშმ პირები
- სარეცელს მიჯაჭვული შშმ პირები
- მკვეთრად გამოხატული შშმ პირები
- ომში დაზიანებული შშმ პირები
- 18 წლამდე ასაკის შშმ პირები
- 100 000 ქულის ჩათვლით – მარტოხელა პენსიონერები
- 200 000 ქულის ჩათვლით – 3 და მეტშვილიანი ოჯახები
- უდედმამო ბავშვები
- მარტოხელა მშობლები
- ომში დაღუპულთა ოჯახის წევრები
- სამამულო ომის ვეტერანები
- მუნიციპალური სასადილოს დამატებითი სიის ბენეფიციარები.
სასურსათო კალათები დარიგდება აჭარის სხვა მუნიციპალიტეტებშიც, თუმცა ზუსტი თარიღი თუ როდის დაიწყება, უცნობია.
ქობულეთის, ხელვაჩაურის, ქედის, შუახევისა და ხულოს მუნიციპალიტეტებში მცხოვრებ მოქალაქეებს სულ 2 800 კალათა გადაეცემათ.
ამ მუნიციპალიტეტებში კალათას მიიღებენ აჭარის ჯანდაცვის სამინისტროს სოციალურად დაუცველი ოჯახების მონაცემთა ერთიან ბაზაში „100 000-ზე ნაკლები ან ტოლი სარეიტინგო ქულით რეგისტრირებული შეზღუდული შესაძლებლობის მქონე პირები, მარტოხელა პენსიონერები და სარეცელს მიჯაჭვული მოქალაქეები“.
ამ თემაზე: