გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, 13 დეკემბრის 21 საათიდან 14 დეკემბრის 21 საათამდე აჭარაში მოსალოდნელია ცვალებადი მოღრუბლულობა, უმეტესად უნალექოდ; ცვალებადი მიმართულების ქარი 10-15 მეტრი წამში.
ჰაერის ტემპერატურა აჭარის სანაპირო რაიონებში იქნება:
- დღისით: 15 – 20 გრადუსი, ღამით: 3 – 8 გრადუსი სითბო;
მაღალმთიანეთში კი:
- დღისით: 5 – 10 გრადუსი სითბო, ღამით: 0 – 3 გრადუსი ყინვა.
ზღვის პროგნოზი:
ტალღის სიმაღლე 5-10 დმ (2-3 ბალი); ზღვის წყლის ტემპერატურა +11,5 გრადუსი.
აჭარის რეგიონალური ჰიდრომეტეოროლოგიური ობსერვატორიის ცნობით, მომდევნო ორ დღეს, 15-16 დეკემბერს, სანაპირო ზოლში მოსალოდნელია დროგამოშვებით წვიმა, მთაში – თოვა.
