დაავადებათა კონტროლის ეროვნული ცენტრის დირექტორმა, ამირან გამყრელიძემ, დღეს, 4 დეკემბერს გამართულ ბრიფინგზე არ დაადასტურა ინფორმაცია საქართველოში რეინფიცირების სამი შემთხვევის შესახებ.
რეინფიცირების შესახებ გუშინ განაცხადა ინფექციური პათოლოგიისა და შიდსის ცენტრის დირექტორმა თენგიზ ცერცვაძემ.
ამირან გამყრელიძის თქმით, მიმდინარეობს რამდენიმე სავარაუდო შემთხვევის კვლევა, მაგრამ დადასტურებული შემთხვევა არ გვაქვს.
„… გვაქვს მხოლოდ სავარაუდო შემთხვევა, სადაც მიმდინარეობს ჩაღრმავებული კვლევა. რომ დავადასტუროთ ის, რომ ნამდვილად იყო რეინფიცირების შემთხვევა, ამას სჭირდება კარგად განხილვა პროფესიულ საბჭოზე“, – განაცხადა ამირან გამყრელიძემ.
___
საქართველოში ბოლო 24 საათში კორონავირუსის 5068 ახალი შემთხვევა გამოვლინდა, გარდაიცვალა კიდევ 38 ადამიანი. ამავე პერიოდში გამოჯანმრთელდა 2 336 ადამიანი.
