Batumelebi | 200-ლარიანი დახმარების პროგრამა 6 თვით განახლდება – მთავრობა 200-ლარიანი დახმარების პროგრამა 6 თვით განახლდება – მთავრობა – Batumelebi
RU | GE  

200-ლარიანი დახმარების პროგრამა 6 თვით განახლდება – მთავრობა

საკოორდინაციო საბჭოს გადაწყვეტილებით, 28 ნოემბრიდან ახალი დამატებითი შეზღუდვები ამოქმედდება. პრემიერ-მინისტრის განცხადებით, ის პირები, რომლებიც ფორმალურად იყვენ დასაქმებულები, 200-ლარიან დახმარებას კვლავ მიიღებენ.

„რაც შეეხება ფორმალურად დასაქმებულ პირებს, რომლებმაც დაკარგეს სამსახური, მიიღებენ 1 200 ლარს 6 თვის განმავლობაში და 200 ლარს ყოველთვიურად, ეს პროგრამა პირველი იანვრიდან ხელმეორედ დაიწყება და გაგრძელდება დამატებით 6 თვის განმავლობაში. ყველა ის ადამიანი მიმართავს სახელმწიფოს და მიიღებს დახმარებას,“ – განაცხადა გახარიამ.

გახარიას თქმით, წინა ტალღის პირობებში ამ დახმარებით ისარგებლა 125 ათასმა ადამიანმა „და ვფიქრობთ, რომ ამ ტალღაზეც დაახლოებით იგივე ციფრი იქნება,“- ამბობს ის.

როგორც გიორგი გახარიამ დღეს განაცხადა, ასევე, არაფორმალურად დასაქმებული ადამიანები შეზღუდვების პერიოდში ისევ მიიღებენ ერთჯერად, 300-ლარიან სახელმწიფო დახმარებას.

ის მოქალაქეები, რომელთა სოციალური ქულა 65-100 ათას ქულას შორისაა, 6 თვის განმავლობაში ყოველთვიურად მიიღებენ 100 ლარს სახელმწიფო დახმარების სახით.

100-ლარიან დახმარებას 6 თვით მიიღებენ ის ოჯახებიც, ვისაც აქვთ 0-დან 100 000 სარეიტინგო ქულამდე და ჰყავთ 3 ან მეტი არასრულწლოვანი, 16 წლამდე შვილი.

გარდა ამისა, 18 წლამდე შშმ და მკვეთრად გამოხატული შშმ პირები 6 თვის განმავლობაში 100-ლარიან სახელმწიფო დახმარებას მიიღებენ.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com