საქართველოს მთავრობის განცხადებით, ქვეყანაში ამ ეტაპზე სრული „ლოქდაუნი“ არ იგეგმება, რადგან „სამუშაო ადგილების შენარჩუნება ხელისუფლების ერთ-ერთ მთავარ პრიორიტეტად რჩება“.
„როდესაც გვაქვს მეორე ტალღა და სამწუხაროდ, იზრდება ინფიცირებულთა რაოდენობა, გარკვეულ შეზღუდვებზე გვიწევს ფიქრი“ – განაცხადა დღეს, 23 ნოემბერს, ვიცე-პრემიერმა მაია ცქიტიშვილმა კერძო სექტორის წარმომადგენლებთან შეხვედრის შემდეგ.
მან დასძინა, რომ შეზღუდვებზე გადაწყვეტილების მიღება ბიზნესთან კონსულტაციის გარეშე მთავრობას არ სურს, რადგან ბიზნესსექტორი დიდი ეკონომიკური დარტყმის წინაშეა პანდემიის პირობებში.