Batumelebi | სუსი გეგმავს პროვოკაციას, ამიტომ სირცხვილის კორიდორებს არ მოვაწყობთ – ოპოზიცია სუსი გეგმავს პროვოკაციას, ამიტომ სირცხვილის კორიდორებს არ მოვაწყობთ – ოპოზიცია – Batumelebi
RU | GE  

სუსი გეგმავს პროვოკაციას, ამიტომ სირცხვილის კორიდორებს არ მოვაწყობთ – ოპოზიცია

ბათუმში ოპოზიცია საარჩევნო უბნებთან დაანონსებულ სირცხვილის კორიდორებს აღარ მოაწყობს, ამის შესახებ ოპოზიციის ლიდერებმა ერთობლივი განცხადება ახლახან [14:40] გააკეთეს. „ერთიანი ნაციონალური მოძრაობის“ აჭარის ორგანიზაციის ხელმძღვანელის, გიორგი კირთაძის განმარტებით, ეს გადაწყვეტილება იმის გამო მიიღეს, რომ მათი ინფორმაციით „სუსი პროვოკაციების მოწყობას გეგმავს“.

“აქციები 24-საათიან რეჟიმში გაგრძელდება, საპროტესტო მუხტი არ დაეცემა, მაგრამ ხვალ სირცხვილის კორიდორი არ იქნება. სახელებით და გვარებით ვიცით ის ხალხი, ვინც აპირებდა ხვალ ჩვენს დარბევას”, – თქვა გიორგი კირთაძემ.

“მივიღეთ ინფორმაცია, რომ „ქართული ოცნების“ შტაბში მიდიოდა იმ ხალხის მობილიზება, ვისაც ხვალ საარჩევნო უბნებთან მდგარი აქტივისტები უნდა დაერბია. ლელო საქართველოსთვის თავიდანვე ემიჯნებოდა სირცხვილის დერეფნებს. ამ ინფორმაციის შემდეგ კი ოპოზიციის სხვა ლიდერებთან ერთად მივიღეთ გადაწყვეტილება, რომ ხვალ კორიდორები არ იქნება“, – განაცხადა „ლელოს“ ლიდერმა აჭარაში, ირაკლი კუპრაძემ.

ოპოზიციის მიერ საარჩევნო უბნებზე სირცხვილის კორიდორების მოწყობას დღეს აჭარის მთავრობის თავმჯდომარე, თორნიკე რიჟვაძეც გამოეხმაურა.

თორნიკე რიჟვაძე: „ვიწრო არ დარჩეს ეს დერეფანი“

 ხვალ, 21 ნოემბერს, საქართველოში საპარლამენტო არჩევნების მეორე ტური გაიმართება. აჭარაში არჩევნების მეორე ტური ჩატარდება ორ მაჟორიტარულ ოლქში – ბათუმში, ასევე ხელვაჩაურის, ქედის, შუახევისა და ხულოს ოლქში.

ნეტგაზეთის მასალების სხვა გამოცემებში გადაბეჭდვის წესი
ავტორი