Batumelebi | რას ამბობენ კლინიკაში 12 წლის გოგოს კორონავირუსით გარდაცვალებაზე რას ამბობენ კლინიკაში 12 წლის გოგოს კორონავირუსით გარდაცვალებაზე – Batumelebi
RU | GE  

რას ამბობენ კლინიკაში 12 წლის გოგოს კორონავირუსით გარდაცვალებაზე

კორონავირუსით 12 წლის ბავშვის გარდაცვალების შემთხვევაზე კლინიკა, სადაც ბავშვი მკურნალობდა, პირველ  კომენტარს აკეთებს. იაშვილის სახელობის ბათუმის დედათა და ბავშვთა ცენტრალური ჰოსპიტლის დირექტორი თამარ ბახტაძის მტკიცებით, კლინიკამ ყველაფერი გააკეთა ბავშვის გადასარჩენად.

“ჩვენი კლინიკის  მედპერსონალმა ყველაფერი გააკეთა იმისათვის, რომ ბავშვი გადარჩენილიყო. 12 წლის გოგონა კლინიკაში მძიმე მდგომარეობაში შემოიყვანეს. კლინიკაში ჩატარებული ტესტირების შედეგად მას დაუდასტურდა კორონავირუსული ინფექცია. მას  საკუთარი, ქრონიკული, მძიმე დაავადების გამო ესაჭიროებოდა დიალიზის ჩატარება. ასევე უნდა ითქვას, რომ დარღვეული იყო კლინიკო-ლაბორატორიული პარამეტრები. პირველადი გადაუდებელი სამედიცინო დახმარების შემდეგ გამოიძახეს კატასტროფის მედიცინის ბრიგადა და მოხდა რეფერირება თბილისში სპეციალიზებულ კლინიკაში. სამწუხაროდ ტრანსპორტირების განმავლობაში პაციენტის მდგომარეობა დამძიმდა, კოპიტნართან დაფიქსირდა გარდაცვალება,” –  ამბობს თამარ ბახტაძე.

მისივე თქმით, მომხდარ ფაქტზე “მიმდინარეობს შიდა სამედიცინო მოკვლევა. თუმცა რეგულირების სააგენტო ჯერ ჩართული არაა”.

12 წლის გოგონა 16 ნოემბერს იმ დროს გარდაიცვალა, როდესაც ის ბათუმიდან თბილისის ერთ-ერთ კლინიკაში გადაჰყავდათ.

რა არის ცნობილი ბათუმში 12 წლის გოგოს კორონავირუსით გარდაცვალებაზე

ნეტგაზეთის მასალების სხვა გამოცემებში გადაბეჭდვის წესი
ავტორი