Batumelebi | გერმანიაში არ შეუშვეს საქართველოს მოქალაქე, რომელსაც ჩემოდანში ბევრი საცვალი ჰქონდა – SZ.de გერმანიაში არ შეუშვეს საქართველოს მოქალაქე, რომელსაც ჩემოდანში ბევრი საცვალი ჰქონდა – SZ.de – Batumelebi
RU | GE  
გერმანია საზღვარი აეროპორტი

გერმანიაში არ შეუშვეს საქართველოს მოქალაქე, რომელსაც ჩემოდანში ბევრი საცვალი ჰქონდა – SZ.de

კორონავირუსის გამო დაწესებული შეზღუდვების პირობებში გერმანიაში შესასვლელად მნიშვნელოვანი საფუძველია საჭირო. ერთ-ერთ ასეთ საფუძვლად ექიმთან ვიზიტი ითვლება. სწორედ მსგავსი მოსაწვევის მქონე საქართველოს მოქალაქე ქალს დააბრუნებენ გერმანელი მესაზღვრეები უკან, სამშობლოში. მოტივი – ქალის ჩემოდანში ბარგი არ შეესაბამებოდა მის განმარტებას ექიმთან ვიზიტის შესახებ – ინფორმაციას ამის შესახებ გერმანული გამოცემა SZ.de ავრცელებს.

მედიის ცნობით, მიუნხენის აეროპორტში 29 წლის ქალმა საქართველოდან მგზავრობის მიზეზად დაასახელა ქირურგიული ოპერაცია. პოლიციამ ქალს არ დაუჯერა. სამართალდამცავების ვერსიით, ქალი სავარაუდოდ „პროსტიტუციაში ჩართვის“ განზრახვით აპირებდა გერმანიაში შესვლას.

მართალია, ქალს მოეპოვებოდა ცნობა, რომ მას ნიურნბერგის კლინიკაში მნიშვნელოვანი ქირურგიული ოპერაცია ჰქონდა დანიშნული, მაგრამ სასაზღვრო პოლიციამ მიიჩნია, რომ ეს ყალბი ცნობაა.

გერმანული მედიის ინფორმაციით, მათი ეჭვის საფუძველი იყო საკმაოდ პიკანტური – მესაზღვრეების თქმით, ახალგაზრდა ქალს ჩემოდანში იმაზე მეტი საცვალი ჰქონდა, ვიდრე მას სტანდარტულად, ოპერაციის შემთხვევაში დასჭირდებოდა.

გამოძიება ყალბი ცნობის გაცემაზე დაიწყო.

____________

ფოტო: ევროპის პრესფოტო სააგენტო

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.