ბათუმის სამედიცინო ცენტრში 6 ნოემბერს Covid 19-თ გარდაიცვალა 39 წლის ნათია ჯაიანი, რომელსაც ვირუსი კლინიკაში შეყვანის შემდეგ, 4 ნოემბერს პისიარ ტესტით დაუდასტურდა. აღენიშნებოდა სუნთქვის მწვავე უკმარისობა, დაუზუსტებელი შოკი და ესენციური ჰიპერტენზია. პაციენტი კლინიკაში 3 ნოემბერს მიიყვანეს.
ბათუმის სამედიცინო ცენტრის ინფორმაციით, პაციენტს თანმხლები დაავადებები არ ჰქონია. მისი მდგომარეობა კლინიკაში შეყვანისთანავე მძიმე იყო და შესაბამისად მოთავსდა რეანიმაციაში. კორონავირუსით ფილტვების დაზიანების ხარისხი იყო ძალიან მაღალი, კლინიკაში გვითხრეს, რომ გარდაცვალების მიზეზი დაგვიანებული მკურნალობაა.
ბოლო 24 საათში აჭარაში კორონავირუსის 411 ახალი შემთხვევა დაფიქსირდა. ვირუსით გარდაიცვალა 5 ადამიანი.
9 ნოემბრის მდგომარეობით, თვითიზოლაციაში 37 675 პირი იმყოფება, აქედან 5 637 – თბილისში, 16 360 – აჭარაში და 4 403 პირი – იმერეთში.
