„რივიერა“, „ორბი“, „ამბასადორი“, „ალიანსი“ – რა შეღავათებს იღებენ მდიდარი კომპანიები

აჭარის მთავრობამ 29 კომპანიას და ფიზიკურ პირს ვალდებულებები გადაუვადა, ხოლო 37 სამი თვის საიჯარო ქირის გადახდისგან გაათავისუფლა.

სამინისტროსგან მიღებული ინფორმაციით, სამი თვის საიჯარო ქირის გადახდისგან გაათავისუფლეს „ორბი ჯგუფი ბათუმი“, „ზიმო 7“ , „ალიკ“ და სხვები; ხოლო ნაკისრი ვალდებულებები უკვე გადაუვადეს „ამბასადორი ბათუმის“, „გრინ რეზორტის“, „ალიანსს“, „ბიზნეს დეველოპმენტს“ და სხვა კომპანიებს.

სამი თვის იჯარის გადასახადისგან გათავისუფლებას ითხოვს არაერთი კომპანია და ფიზიკური პირი, მათ შორის კომპანია „რივიერა ბიჩი“, ხოლო ნაკისრი ვალდებულების ერთი წლით გადავადებას ითხოვს კომპანია „რივიერა“.

პანდემიის გამო რა შეღავათებით შეუძლია ისარგებლოს ბიზნესმა აჭარაში, ნახეთ ამ ბმულზე:

„ასევე გაცნობებთ, რომ მთავრობის დადგენილებით სარგებლობა შესაძლებელია 2020 წლის 31 დეკემბრამდე ინვესტორის მიერ განცხადებით მომართვის შემთხვევაში, რომლის შემდეგაც ზემოხსენებული დადგენილებით სარგებლობის მაჩვენებელის რიცხვები გაიზრდება“, – მოგვწერეს სამინისტროდან.

ჯამში რა რაოდენობის თანხა არ გადაახდევინეს კომპანიებს, აჭარის ფინანსთა და ეკონომიკის სამინისტროს ეს მონაცემი არ მოუწოდებია, თუმცა მოგვაწოდეს სია, ვინც პანდემიის გამო მთავრობის შეღავათებით ისარგებლა ან ითხოვენ შეღავათს.

ინფორმაცია „ბათუმელებმა“ 1-ელ ოქტომბერს გამოითხოვა, თუმცა პასუხი სამინისტროსგან 3 ნოემბერს მივიღეთ.

იმ იურიდიული და ფიზიკური პირების ჩამონათვალი, 3 ნოემბრის მდგომარეობით, რომლებმაც მიიღეს ან/და ითხოვენ შეღავათს აჭარის მთავრობისგან [წყარო – აჭარის ეკონომიკის სამინისტრო]: