Batumelebi | ბათუმში 3 ადამიანი გარდაიცვალა კოვიდით ბათუმში 3 ადამიანი გარდაიცვალა კოვიდით – Batumelebi
RU | GE  

ბათუმში 3 ადამიანი გარდაიცვალა კოვიდით

25 ოქტომბრის მონაცემებით, გასული 24 საათის განმავლობაში აჭარაში 3 პაციენტი გარდაიცვალა კორონავირუსით.

რესპუბლიკურ საავადმყოფოში გარდაიცვალა 90 წლის ქალი, რომელიც კლინიკაში 12 ოქტომბერს შეიყვანეს. დიაგნოზი: „კოვიდ 19, პნევმონია, ქრონიკული გასტრიტი, კონვერსიული აშლილობა“.

ამავე კლინიკაში გუშინ საღამოს გარდაიცვალა 66 წლის ქალი, რომელსაც 4 დღის განმავლობაში მკურნალობდნენ. დიაგნოზი – „კოვიდ 19, პნევმონია, დიალეზდამოკიდებული, შაქრიანი დიაბეტი“.

ასევე გუშინ, ბათუმის სამედიცინო ცენტრში 72 წლის ქალი გარდაიცვალა კორონავირუსით, მას კლინიკაში 10 დღის განმავლობაში მკურნალობდნენ. დიაგნოზი – „კოვიდ 19, გულის უკმარისობა, სუნთქვის მწვავე უკმარისობა“.

გასული 24 საათის განმავლობაში საქართველოში კორონავირუსით 8 პაციენტი გარდაიცვალა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com